Trajneri Francesco Moriero dhe zëvendësi i tij, Fabrizio Miccoli, janë larguar nga Shqipëria duke ndërprerë dhe marrëdhënien dhe me klubin e Dinamos pas vetëm dy muajve.
Dinamo, nën drejtimin e tyre ka luajtur vetëm dy ndeshje, një e fitoi dhe një tjetër e humbi. Arsyet e këtij largimi të papritur nuk bëhen me dije, ndërsa pasuesi i tyre pritet të jetë një emër i njohur i futbollit vendas.
Francesco Moriero dhe Fabrizio Miccoli janë shumë të njohur në vendin tonë pasi kanë luajtur për vite të tëra në skuadrat më të njohura të Serisë A. Ardhja e tyre në Tiranë u shoqërua më mjaft interes nga rrethi sportive dhe mediat.
![](https://shqiptarja.com/template/img/NO_ALFA_Kuadrate shqiptarja.png)
Françesko Moriero reagoi me një postim duke konfirmoi gjithashtu largimin nga Dinamo duke thënë se ai dhe Fabrizio Miccoli kanë dhënë dorëheqjen por pa shpjeguar arsyet.
“Në ditën e sotme, Françesko Moriero, Fabricio Mikoli dhe Kristian Parabita, kanë dhënë dorëheqjen nga detyra përkatësisht si trajner i skuadrës së parë, zëvendëstrajner dhe përgatitës atletik. Trajneri dhe i gjithë stafi falënderojnë lojtarët për entuziazmin e treguar nga ata në këto pak muaj. Atyre u urojmë një fat sa më të mirë në aspektin profesional dhe njerëzor. Një falënderim edhe për qytetarët dhe tifozët e Dinamos për mikpritjen në këtë eksperiencë, edhe pse të shkurtër”, shkruhej në mesazhin e Morieros sot pasdite.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)