TIRANE- Shtetasi Bullgar Vasco Pop Gonov që dyshohet nga policia e Tiranës se ka mashtruar për vizat mbi 500 shqiptarë, duke arritur t’u marrë në total një shumë prej 300 mijë euro, ka pasur një bashkëpunim me studion ligjore të Laura Pustinës, kjo e fundit shoqe me Argita Berishën. Në dokumentat që “Shqiptarja.com” disponon tregohet se 47-vjeçari bullgar ka firmosur një prokurë të posaçme përpara noteres Laura Pustina, me qëllim autorizimin e shtetases Jola Haxhistasa, për përfaqësimin e kompanisë së tij “Help Immigration” në të gjitha institucionet e vendit, si dhe të ndjekë formalitete e duhura ligjore.