“BB7”, Violeta e pakënaqur
nga ofendimet e Meridianit

Përveç bisedave dhe momenteve argëtuese në shtëpinë e Big Brother ka mjaft çaste dhe veprime të pakëndshme.

Së fundmi sjellja e Meridianit është bërë shkak i këtyre bisedave.

Vajzat brenda shtëpisë kanë filluar të diskutojnë në lidhje me fjalorin e tij, pasi sipas tyre është ofendues, sidomos kundrejt Esidës të cilin e konsiderojnë të tepërt.

Nevila hedh idenë se ndoshta Meridiani është i shtyrë për t’i ngacmuar të gjithë aty brenda.

Mirëpo kjo gjë, sipas Violetës nuk ka asnjë justifikim pasi fjalori apo veprimet e tij shpesh e kalojnë masën.

Sipas saj, ajo nuk do të donte të hapte debate të kota brënda shtëpisë, sepse nuk ka hyrë për të sfiduar asnjë.

“Një burrë që është burrë nuk ofendon kurrë një femër” shprehet ajo tek Nevila, e cila e përqafon në shenjë aprovimi dhe mbështetjeje.

(b.t/shqiptarja.com)