“Birdman” triumfon në
“Oscar” me katër statuja të arta

“Birdman” është prodhimi kinematografik me regji Alejandro G Inarritu i cili ka mundur të marrë 4 statuja të  arta në mbrëmjen e ndarjes së çmimeve “Oscar”.  Sytë e të gjithë botës u drejtuan mbrëmjen e djeshme  në “Hollywood”, aty ku yjet më të mëdhenj botërorë parakaluan në tapetin e kuq, në evenimentin më të rëndësishëm kinematografik, ndarjen e çmimeve Oscar.

Në edicionin e 87-të të çmimeve Oscar në teatrin Double në Hollywood u shpallën si aktori dhe aktorja më e mirë Julianne Moore në filmin “Still Alice”, Eddie Redmayne “The Theory Of Everything”. Surpriza e mbrëmjes ka qenë edhe interpretimi i këngëtares me origjinë kosovare Rita Ora.

Gjithashtu nuk mund të kalonte jashtë vemëndjes së mediave edhe paraqitja e saj, e cila është cilësuar nga mediat britanike si “mbretërore”. Ndërkohë në kategorinë e aktorëve dytësore kanë mundur të fitojnë statujën e artë aktorët Patricia Arquette dhe J.K. Simmons. Si regjisori më i mirë mes nominimeve ka fituar  sërish Alejandro G Inarritu me prodhimin kinematografik “Birdman”.

Ja cilët janë fituesit e edicionit të 87-të të ndarjes së çmimeve "Oscar": 


Filmi më i mirë: ”Birdman”

Regjia më e mirë: Alejandro Gonz ”Lez Inarritu’

Aktori më i mirë: Eddie Redmayne

Aktorja më e mirë: Julianne Moore

Aktori më i mirë joprotagonist: J.K. Simmons

Aktorja më e mirë joprotagoniste: Patricia Arquette

Skena më e mirë origjinale: ”Birdman”

Skena më e mirë jorigjinale: ”The Imitation Game”

Filmi më i mirë i huaj: ”Ida” (Poloni)

Filmi më i mirë i animuar: ”Big Hero” 6

Fotografia më e mirë: ”Birdman”

Skenografia më e mirë: ”Grand Budapest Hotel”

Montazhi më i mirë: ”Whiplash”

Kolona zanore më e mirë: ”Grand Budapest Hotel”

Kënga më e mirë: “Glory” nga “Selma”

Efektet më të mira speciale: ”Interstellar”


















Redaksia Online
(xh.k/shqiptarja.com)