POP 5

Lajmet më të lexuara të 5 minutave të fundit

Kronikë

“Divjaka”, krimet e Rënda lënë 
në burg paketuesin e drogës

Krimet e Rënda lënë në burg Aurel Pupen, një nga dy paketuesit e drogës që do trafikohej me avion nga Plazhi i Divjakës për në Leçe në Itali. Pupe u arrestua më 27 Maj dhe në seancën e të premtes ka kërkuar ndryshimin e masës së arrestit. VIDEO
TIRANE - Krimet e Rënda lënë në burg Aurel Pupen, një nga dy paketuesit e drogës që do trafikohej me avion nga Plazhi i Divjakës për në Leçe në Itali. 

Pupe u arrestua më 27 Maj dhe në seancën e të premtes ka kërkuar ndryshimin e masës së arrestit.

Dy korrierët e këtij trafiku, piloti italian Giorgo Riformato dhe Sajmir Bajrami, janë të siguruar në masën e arrestit me burg deri në përfundim të hetimeve. 

Bajrami dhe Riformato u arrestuan në 10 Maj, kur avioni i këtij të fundit bëri një ulje të pafat në Plazhin e Divjakës duke dëmtuar rrotën e parë. 

Riformato ulej për të ngarkuar 460 kg marijuanë që ishin dërguar nga Bajramaj për t’u trafikuar në Itali. 

Krimet e Rënda kanë arrestuar në Lushnje edhe Kleviol Ahmetajn, i cili sikundër Pupe ka ndihmuar Bajrmanin të ngarkonte dhe paketonte ngarkesën e marijuanës.

Hetimet vijojnë dhe në kërkim është edhe një ish-funksionar policie.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Vdekja e 12-vjeçarit te Pediatria, reagon QSUT: Humbi jetë nga miokardi akut

Vdekja e 12-vjeçarit te Pediatria, reagon QSUT: Humbi jetë nga miokardi akut

8 Janar, 16:40