“Elita 5” premton
rikthim të fuqishëm

Grupi legjendar dhe mjaft i pëlqyer në Shqipëri e Kosovë “Elita 5”, së shpejti do të publikojë albumin e ri.

Këtë e ka bërë të ditur vokalisti i grupit Arif Ziberi për mediat kosovare dhe ka premtuar se albumi do të jetë një befasi.

Ai do të përmbajë 10 këngë të cilat trajtojnë tematika të ndryshme. “Jemi në përgatitje për albumin e ri. Ajo që mund t’u them tani për tani është se ky album do të vijë me shumë befasi”, ka thënë Arifi.

Ai gjithashtu ka bërë të ditur se disa këngë do të kenë dhe videoklipe të cilat do të publikohen paralelisht me albumin.

(Blerta Tusha/shqiptarja.com)