“Mos ik o Ma”, libri i Tupes tashmë në teatë

“Mos ik o Ma” është vënia në skenë më e re në Teatrin e Metropolit. Bazuar tërësisht në romanin e publicistit dhe autorit të njohur Edmond Tupe, kjo shfaqje synon të sjellë në kujtesë dhe të theksoi probletimatikën e “braktisjes” së prindërve në pleqëri nga fëmijët e tyre. Vepra e Tupes  është në thelb autobiografike duke ardhur si një dedikim i autorit për nënën e tij si dhe për  ditët e saj të fundit.



(Në Foto: Pjesë nga shfaqja)

Vetë Tupja thekson për mikrofonin e A1 Report se gjatë ndjekjes së dramës ju rikthye e ëma për 30 minuta në skenë duke e emocionuar pa masë. Gjithashtu autori tregon në emisionin “Rreze Dielli” rreth surprizës së kërkesës për të sjellë në materie të gjallë librin e ngurtësuar në bardh e zi. Drama “Mos ik o Ma” është sjellë në regjinë dhe nën interpretimin e aktorit shkodran Nikolin Ferketa.



(Në Foto: Publicisti dhe autori Edmond Tupe)

E konceptuar me mesazhin kryesor të thirrjes për të mos braktisur prindërit si dhe kujdesin ndaj tyre që na dhuruan jetën, Nikolini tregon spuntot dhe ngacmimet që i ka dhënë vepra e Tupes, për të sjellë një shfaqe me nota të larta dramaticiteti.  

Përveç konceptin regjisorial dhe lojës aktoriale të Nikolit në vënien në skenë “Mos ik o Ma”  na vjen edhe interpretimi gjestual dhe i heshtur i aktores Adriana Marku, e cila  përçon vetëm me anë të mimikës lodhjen, vujatjen por edhe dashurinë e pafundme të një nënë tashmë në ditët e fundit.



(Në foto: Aktori Nikolin Ferketa)

Premierën e parë tiodrama e ka patur në kryeqendrën e veriut në qytetin e Shkodrës, ku sipas Nikolitit, publiku i pranishëm e ka pritur mjaft  mire madje duke u emocionuar.“Mos ik o Ma” do të ngjitet në skenën e Teatrit të Metropolit edhe gjatë datave 31, 1 dhe 2 shkurt duke emociunuar publikun me mesazhet që dëshiron të përçojë.



(Në foto: Pjesë nga shfaqja)

Redaksia Online
(xh.k/shqiptarja.com)