Prej 17 vitesh në Greqi ai ushtron profesionin e shefit të kuzhinës. Malaveci solli për amvisat dhe shikuesit e “Rreze Dielli” tre receta të ndryshme, mjaft të thjeshta por të veçanta.
Së bashku me zonjën Tefta dhe me ndihmën e prezantueses bukuroshe Anjeza arritën në një kohë të shkurtër të përfundojnë gatimet.
Pjata e parë që u përgatit kishte në bazë të saj salmonin, duke ardhur në formën e antipastës. Gjithashtu edhe pjata tjetër erdhi në formën e një pjate plotësuese dhe kishte në bazë të saj fileton e pulës.
Ndërkohë pjata kryesore ishte Rizoto me klitharaqe, e cila kishte në bazë të saj fileton e peshkut dhe metodikën e përgatitjes siç veprohet me rizoton.
Gatimet ishin mjaft të larmishme dhe të përgatitura me përbërës të shëndetshëm.
Receta e Rizotos me Klitharaqe
Klitharaq 250gr
Shegë 1 kokërr
Fileto peshku 300gr
Hudhra 3 thelpija
Nero di Sepia
Djath Grana i grirë
Kanellë 2 kokrra
Verë e bardhë 200ml
Vaj Ulliri
Gjalp Vitam
Lëng pule
1 Qepë
(xh.k/shqiptarja.com)