POP 5

Lajmet më të lexuara të 5 minutave të fundit

Ekonomi

“Standard & Poor’s” ul
vlerësimin për financat

Pas publikimit të analizës së kompanisë finaciare “Moody’s” për financat e Shqiperisë, vjen analiza e një tjetër kompanie të njohur finaciare “Standard & Poor”. 
“Standard & Poor’s” ul<br />vlerësimin për financat
TIRANE- Pas publikimit të analizës së kompanisë finaciare “Moody’s” për financat e Shqiperisë, vjen analiza e një tjetër kompanie të njohur finaciare “Standard & Poor”.  Kompania finaciare i ulur notën financave të Shqipërisë nga “B+” në “B”. Sipas “S&P”, Shqipëria pritet të ketë një borxh publik më të lartë se 60% të PBB gjatë periudhës 2013-2016 për shkak të zgjerimit të konsiderueshëm të deficitit të borxhetor dhe njohjen e detyrimeve të prapambatura. Kompania financiare e parashikon të vështirë menaxhimin e borxhit nëse nuk merret ndihmë financiare nga huadhënës zyrtarë. Për më tepër parashikimi negativ që “S&P” ka për të ardhmen e finacave të Shqipërisë jep shkas që mundësia, që kjo kompani të ulë përsëri vlerësimin e saj, të jetë 1 në 3.
 
Zgjedhjet
Në analizën e “S&P” theksohet se rritja më e madhe e deficitit është e lidhur me  vendimet e qeverisë përpara zgjedhjeve. Deri në zgjedhjet e qershorit 2013, qeveria rriti shpenzimet, nga të cilat ato për personelin u rritën me 3%, dhe mblodhi më pak taksa. Për sa u përket mbledhjes së taksave, sipas “S&P” pati një ulje prej 8%. 
 
Parashikimet
“S&P” parashikon që deficiti buxhetor të rritet në 6.5% të PBB-së në vitin 2013 nga 3.5% të PBB-së që ishte në vitin 2012. Këtë gjë kompania e bazon mbi rritjen ekonomike më të dobët se sa parashikohej dhe, mbi të gjitha, bazuar mbi njohjen nga qeveria e detyrimeve te papaguara që deri më tani parashikohen të jenë 4% e PPB-së së vendit tonë. Nga detyrimet e papaguara, 30% e tyre e kanë të bëjnë më tatime të parimbursuara, ndërsa pjesa tjetër janë fatura të papaguara që lidhen me punime në infrastrukturë, kryesisht rrugë. “S&P” nënvizon se pagimi i këtyre detyrimeve është një prioritet për qeverinë dhe për këtë mund të krijohet një skemë zyrtare.
 
Qeveria
Kompania finaciare “S&P” ka theksuar në analizën e saj se pritet që qeveria e koalicionit të majtë të vazhdojë reformat zgjedhore, të drejtësisë, ato parlamentare dhe administrative. Sipas “S&P”, këto reforma do të plotësonin kushtet që Shqipëria të marrë statusin e vendit kandidat në BE, në fund të këtij vitit apo në fillim të vitit 2014.
 
Shkrimi u publikua sot (07.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

28 Nëntor, 21:39 nga Marsela Topi