Ish-islamiku, Alyas Karmani thotë se të rinjtë britanikë i bashkohen ISIS-it sepse kërkojnë seks. Ai thekson se adoleshentët janë në rrezik nga radikalizmi prej grupit terrorist sepse ndihen të izoluar “seksualisht” në shoqërinë britanike dhe shpesh nuk kanë të njëjtën liri si të rinjtë perëndimor për të pasur të dashur apo marrëdhënie intime.
 
Duke folur për televizionin ITV për dokumentarin 'Exposure - Jihad - A British Story', Karmani shprehet se, të rinjtë kanë vështirësi të bisedojnë në familjet e tyre për nevojat seksuale.
 
“Gjithçka ka të bëjë me seksin... Këta djemtë thjeshtë duan vajza. Kjo është”, shprehet ai. “Nëse rritesh me idenë se nuk mund të kesh seks para martesës, nuk mund të kesh të dashur, ky është një haram shumë i madh.”
 
Një 17-vjeçar i quajtur Talha Asmal u bë britaniku më i ri që ka vrarë veten me bombë, i cili shpërtheu veten në Irak. Familja e tij thotë se ai ra viktimë e presionit.
 
Redaksia Online
(f.s/shqiptaraj.com)