POP 5

Lajmet më të lexuara të 5 minutave të fundit

Kronikë

“Zgjohet” policia, kontrollohen
276 persona brenda 24 orëve

Policia e Tiranës, ka shoqëruar në 6 komisariatet e saj, 131 persona, ndërsa janë bllokuar 230 makina me probleme dokumentacioni.
TIRANË - Policia e Tiranës ka kontrolluar 276 persona gjatë 24 orëve të fundit, ndërkaq që në 6 komisatiatet e kryeqytetit janë shoqëruar 131 persona. Burime zyrtare nga policia kanë bërë të ditur se, në kushtet e flagrancës janë arrestuar 6 persona për vepra të ndryshme penale.

Kontrollet janë duke u bërë në bazë të një plani masash të hartuar nga Ministria e Brendshme, Policia e Shtetit për të vënë nën kontroll të gjithë territorin. Ministri i Brendshëm, Sajmir Tahiri dy ditë më parë deklaroi se, rendi dhe siguria e qytetarëve janë një emergjencë kombëtare.

Kontrollet e shumta të policisë janë bërë në zona të ndryshme të Tiranës, ku edhe situata kriminale ka qenë më e rënduar së fundmi. Gjithashtu janë ngritur edhe postblloqe për të kontrolluar makinat pa dokumente apo edhe për të kapur persona në kërkin.

Përveç personave të kontrolluar, efketivët e policisë së kryeqytetit janë bllokuar edhe 230 automjete të ndryshme për dokumentacion të parregullt apo xhama të errësuar.

“Theksojmë se strukturat e Drejtorisë së Policisë të Qarkut Tiranë, do të vazhdojën të punojnë më tej për realizimin e detyrave dhe përgjegjësive ligjore, me synim parandalimin, evidentimin, zbulimin dhe goditjen në kohë të autorëve të veprave penale, duke bashkëpunuar ngushtë me organin e Prokurorisë si dhe organe të tjera të zbatimit të ligjit”, thuhet në njoftimin zyrtar të Policisë së Tiranës.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Makina përplas për vdekje këmbësorin në aksin Lezhë-Milot (EMRI)

Makina përplas për vdekje këmbësorin në aksin Lezhë-Milot (EMRI)

9 Janar, 18:19