Ndeshja Shqipëri-Francë, nuk ka mbetur pa u komentuar nga shtyp francez, më shumë për inaugurimin e stadiumit të ri, “Air Albania Stadium”, sesa për rezultatin.
Media prestigjoze franceze “Le Figaro”, shkruan se stadiumi nuk është ende gati dhe do disa javë punë për të përfunduar i gjithi.
Me titullin “Inaugurimi i stadiumit të ri në Shqipëri me rastin e ndeshjes me skuadrën franceze, i dha hov disa skenave qesharake në Tiranë”, gazeta franceze nuk harron edhe fishkëllimat e tifozëve tani, në momentin që po luhej himni i tyre, duke e cilësuar si një hakmarrje e vogël, për ngatërrimin e himnit të ndodhur më 7 shtator në Francë.
Shkrimi i medias franceze:
Një mbrëmje speciale në Tiranë mbrëmjen e së dielës para ndeshjes mes Shqipërisë dhe Francës. Një inaugurim origjinal i stadiumit Air Albania, impiantit fringo të ri në Tiranë.
Në një atmosferë të bukur të një nate të madhe me 22 mijë spektatorë të zhurmshëm (përfshi 3700 francezë), publiku shqiptar tregoi se ka kujtesë. Pas incidentit në ndeshjen e parë të shtatorit të kaluar në ‘Stade de France’, ku u ngatërrua himni nga dhomat e fonisë, spektatorët nuk ngurruan të vërshëllejnë Marsejezën. Pavarësisht se stadiumi vërshëllente, blutë mbetën të përqendruar, ashtu si këngëtarja që udhëzoi fjalët.
Më herët në mbrëmje, disa nga audienca patën mundësinë që të bënin një dush të vogël, që nuk ishte planifikuar në program. Ujitja nisi përpara se lojtarët të dilnin në fushë. Një goditje e vogël në natën e përurimit të një stadiumi, që do ketë nevojë për disa punë përfundimtare në javët e ardhshme. Ende nuk janë vendosur tabelat njoftuese, duke i detyruar gazetarët dhe zyrtarët të kronometrojnë vetë.
Franca mundi mbrëmë Shqipërinë me rezultatin 2 me 0. Edhe pse në një impiant të ri, Shqipëri nuk mund të bënte asgjë më shumë ndaj kampionëve të botës të cilët domunuan të gjithë ndeshjen. Edy Reja shfrytëzoi të tre zëvendësimet, duke larguar, Lenjanin, Qosen dhe Hysaj, por sërish loja ndryshoi pak. Memushaj, Roshi dhe Trashi i dhanë pak frymë lojës, por nuk mund të bënin asgjë, pasi porta e gjelave ishte e padepërtueshme.
Lajme të tjera
-
FSHF 'kyç' stadiumin 'Air Albania', derbi i kryeqytetit zhvillohet në Vlorë
16 Tetor, 10:13 -
Media franceze ‘Le Figaro’: Shqipëria mes pesë destinacioneve më të mira për të lundruar në Europë
13 Tetor, 11:51 -
Le Figaro: Alpet shqiptare, një Eldorado për turistët
3 Qershor, 07:17 -
'Le Figaro': Shqipëria, plazhet më të bukura të verës, nga Dhërmiu në Gjirin e Gramës
19 Prill, 09:29 -
'Le Figaro': Rama vlerëson partneritetin me Francën
13 Prill, 09:52 -
Tirane/ Hodhën flakadanë në fushë kur po luhej derbi, 2 të arrestuar
17 Shkurt, 09:21 -
Le Figaro: Shqipëria mes 15 destinacioneve për t’u vizituar
5 Janar, 14:05 -
Kombëtarja 'kthen' Tiranën në Air Albania
21 Nëntor 2023, 22:10 -
‘Le Figaro’ çmon rivierën shqiptare: E 'çliruar' nga zinxhirët stalinistë, ja vendet që s’duhen humbur nga ‘toka e Shqiponjave’
28 Gusht 2023, 18:41 -
GOLAT/ Spektakël në fushë dhe tribuna, Tirana - Partizani paqe për një pikë! Bardheblutë ruajnë distancën me 'Demat', s'mungojnë incidentet
17 Maj 2023, 20:36 -
FSHF kthen përgjigje pozitive, finalja e Kupës së Greqisë në 'Air Albania'?
8 Maj 2023, 15:01 -
Gafa e FSHF! Tjetërson emrin e stadiumit kombëtar nga ‘Air Albania’ e shkruan ‘Aer Albenia’
25 Mars 2023, 16:08
