Ledion Liço "zë vendin" e Xhungës 
 dhe Dudushit në Top Channel

Ledion Liço këtë sezon të ri televiziv, nuk do ketë kohë as për të ngrënë apo për të fjetur. Kjo sepse, moderatorit të Top Channel, i është besuar prezantimi i një pjese të mirë të programeve.

Siç dihet Rudina Xhunga nuk do të shfaqet më të hënave me emisionin e saj 'Shqip' dhe duket se hapsirën e saj do ta zotërojë Ledioni. I dashuri i Sarës, vajzës së të ndjerit Dritan Hoxha, mendohet se do të fillojë një format të ri televiziv që do të transmetohet në të njëjtin orar me emisionin 'Shqip'.

29-vjeçari do të marrë gjithashtu drejtimin e 'Mag', që deri para pak kohësh ishte nën moderimin e Alban Dudushit dhe do të bashkëdrejtojë '100 milionë' me kolegun e tij Eno Popi. E sikur të mos mjaftonin këto, Ledioni edhe këtë vit do të jetë moderatori i reality-show Big Brother Albania, që transmetohet në Top Channel.

Redaksia Online
(m.p/shqiptarja.com)