Me një Vendim të Këshillit të Ministrave, të miratuar dje, kanë përfituar të drejtën të kompensohen me 4.2 milionë euro pronarët e tokave të zëna nga objekte të ndërtuara pa leje. Parcelat e zëna nga ndërtimet informale pqrfshihen në zonat e mbuluara nga drejtoritë e ALUIZNI-t Tiranë Veri, Elbasan, Tiranë Jug, Tiranë Shtesat, Vlorë, Durrës, Shkodër, Korçë, Kukës, Kavajë, Fshatra Turistikë dhe Kamzë, Vorë.
Masa e kompensimit është 43.920,53 m² në sipërfaqe dhe vlera e përgjithshme e kompensimit financiar për pronarët është 522.842.426,65 lekë.
Për kompensimin financiar të disa prej pronarëve të pasurive të paluajtshme, që preken nga ndërtimet pa leje, të cilët përmenden në listat e publikuara në këto faqe, shuma e kompensimit financiar do të vendoset nga Agjencia e Trajtimit të Pronës në një llogari bankare të posaçme dhe nuk mund të disponohet nga subjekti përfitues pa zgjidhjen e shkakut të kufizimit në rrugë gjyqësore.
Për kompensimin e pronarëve do të përdoren po ato të ardhura që arkëtohen nga ALUIZNI, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore, edhe për pasuritë e të tretëve, në favor të objekteve informale që legalizohen.
Vendimi i qeverisë hyn në fuqi pas botimit në “Fletoren zyrtare”.
( Lista e plotë ) me emrat e pronmarëve që kompensohen