POP 5

Lajmet më të lexuara të 5 minutave të fundit

Sport

Legjendë e volejbollit dhe ‘Nder i Kombit’, ndahet nga jeta në moshën 91-vjeçare Vangjel Koja

Koja ishte trajner i Dinamos së volejbollit që arriti të shkruante historinë edhe në Evropë.

Është ndarë nga jeta në moshën 91-vjeçare në orët e para të kësaj të hëne Vangjel Koja, ish-volejbollisti dhe trajneri i madh i cili shkroi historinë me Dinamon. Xhela, siç të afërmit e njihnin, mbylli sytë në shtëpinë e tij, ndërsa në orën 10:00 u mbajtën homazhet në kishën e Shën Sotirit në Korçë.

“Ngushëllime për të gjithë sportin e volejbollit, si për meshkuj ashtu për femra sepse ka ikur një ikonë e sportit shqiptar. Ishte një trajner shumë për t’u vlerësuar. Një figurë e ndritur e volejbollit,”-u shpreh Mimoza Shahu, trajnere volejbolli.

“Ka qenë njeri punëtor, i përkushtuar. Një mësues i mirë, familjar i mirë dhe edukator i mirë. Të gjitha rezultatet vinin nga kjo punë, nga kjo këmbëngulje. Ia kushtoi gjithë jetën volejbollit deri në momentin e fundit kur ndërroi jetë. Ai është historia e volejbollit shqiptar bashkë me shokët e tij që arritën ato rezultate,”-tha Arjan Kostani, trajner basketbolli.

Vangjel Koja do të mbahet mend si trajner i ekipit të Dinamos, që u bë skuadra kampione absolute në vitet ’70-’90 dhe arriti të renditej ndër katër më të mirat në Europë. Ai nuk ishte vetëm trajner i suksesshëm i klubit Dinamo, por edhe i ekipit kombëtar të Shqipërisë. U shqua si një mjeshtër i volejbollit, duke dhënë kontribut të çmuar jo vetëm në disa klube të Shqipërisë, por edhe jashtë vendit.

Në karrierën e tij Koja shkëlqeu më herët edhe si atlet, basketbollist dhe volejbollist, ndërsa është nderuar edhe me disa çmime ku spikat ‘Nderi i Kombit’ i dhënë nga Presidenti i Republikës, ‘Mjeshtër i sportit’ dhe ‘Mjeshtër i Nderuar i Sportit.’

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • HAJDAR REXHEP BULE LEKA [ KEPI ]: 30/09/2024 19:46

    Ngushēllime pēr profesor Kojen.

    Përgjigju
  • Rruga e Dibres: 30/09/2024 14:41

    I Madhi Koja ! Ngushellime familjes ! Kujtojme Dinamon e viteve 60-70'te,te paharruarin dhe legjendarin Asllan Rusi dhe shoket e tij te ekipit,Zhani Bonati,Ylli Shehu,Anastas Panteqi,Kreshnik Tartari,Enis Terihati,etj,qe e ngriten volejbollin tone ne nivele te larta Europiane ! Na kane dhene kenaqesi te jashtezakonshme duke na bere edhe krenare ! Qofshin te paharruar ! Rruga e Dibres

    Përgjigju
    • Piro: 30/09/2024 17:02

      U preft në paqe. Njeri plot mirësi,i mrekullueshëm.

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57