POP 5

Lajmet më të lexuara të 5 minutave të fundit

Ekonomi

Lejet minerare, kush s'paguan
energjinë, jashtë koncesioneve

Masa drastike për të minimizuar debitorët e ebnergjisë elektrike, në kushtet kur sektori energjetik rrezikohet nga kolapsi financiar. Qeveria: Debitorët e CEZ nuk do të marrin pjesë në tendera. Kategoritë e subjekteve që kanë mundësi financiare të paguajnë faturat e enegjisë, por nuk e bëjnë këtë, do të përjashtohen si nga prokurimet publike, ashtu edhe nga gara për të marrë një licensë minerare. 
TIRANE- Kategoritë e subjekteve që kanë mundësi financiare të paguajnë faturat e enegjisë, por nuk e bëjnë këtë, do të përjashtohen si nga prokurimet publike, ashtu edhe nga gara për të marrë një licensë minerare. Këshilli i Ministrave miratoi dje dy vendime që kërkojnë ndërhyrje ligjore e nënligjore për disiplinimin e konsumatorëve për pagesën e detyrimeve të energjisë elektrike.
 
Prokurimet
Vendimi i parë thekson se në dokumentat e tenderave të autoriteteve kontraktore për kontratat e punëve, mallrave dhe shërbimeve, duhet këtej e tutje të përfshihet si kriter edhe pagimi i detyrimeve të energjisë elektrike nga ana e operatorëve ekonomikë, ofertues në procedurat e prokurimit.

Në VKM përkatëse do të shtohej sa më poshtë: (Kërkohet) “Një dëshmi që konfirmon shlyerjen e të gjitha detyrimeve të maturuara të energjisë elektrike të kontratave të energjisë që ka operatori ekonomik që është i regjistruar në Shqipëri.

Mosshlyerja e detyrimeve të energjisë elektrike përbën shkak për skualifikimin e operatorit ekonomik, përveç rastit kur rezulton se detyrimet e papaguara të energjisë elektrike, të konfirmuara në vërtetimin e lëshuar nga furnizuesi, janë në proces ankimi në gjykatë. Furnizuesi i energjisë elektrike është i detyruar që të lëshojë këtë dëshmi jo më vonë se pesë ditë nga depozitimi i kërkesës nga operatori ekonomik”.
Pra, operatorët ekonomikë janë të detyruar më parë të ekzekutojnë detyrimet e energjisë elektrike, për të marrë pjesë në procedurat prokuruese.

Lejet
VKM e dytë ka të bëjë me disa ndryshime në një Vendim të vitit 2010 “Për miratimin e procedurave dhe të dokumentacionit për marrjen e lejeve minerare në zonat e hapura”. Edhe në këtë rast, parashikohet detyrimi që në listën e dokumentacionit që subjektet paraqesin në Qendrën Kombëtare të Licensimit për aplikimin për marrjen e një zone të hapur minerare ndërmjet të tjerave të përfshijë edhe pagesën e plotë të energjisë elektrike.

VKM përfshin këtë kusht, në kategorinë e kushteve që duhet të plotësojë kërkuesi për leje minerare. Konkretisht, shtesa bëhet sa më poshtë:
“Në çdo rast, kërkuesi, është i detyruar që përveç një ose disa vërtetimeve që provojnë kapacitetin financiar, të paraqesë detyrimisht edhe një vërtetim që konfirmon shlyerjen e të gjitha detyrimeve të energjisë elektrike për kontratën/at e energjisë që ka kërkuesi, i regjistruar në Shqipëri.

Mosplotësimi i këtij kushti përbën shkak për refuzimin e aplikimit, përveç rasteve kur rezulton se detyrimet e papaguara të energjisë elektrike, të konfirmuara në vërtetimin e lëshuar nga furnizuesi, janë në proces ankimi në gjykatë. Furnizuesi i energjisë elektrike, është i detyruar që të lëshojë këtë vërtetim jo më vonë se pesë ditë nga depozitimi i kërkesës nga operatori ekonomik”.

Sipas qeverisë, këto vendime synojnë disiplinimin e konsumatorëve për pagesën e detyrimeve të energjisë elektrike dhe nuk cënojnë thelbin e të drejtave të njeriut dhe bëhen për të mbrojtur interesin publik dhe të drejtat e subjekteve të tjera, nga pasojat e mospagimit të detyrimeve që rrjedhin nga furnizimi me energji elektrike. 


Shkrimi u botua në Shqiptarja.com (print) në 12 qershor 2014

Redaksia Online
(d.a/shqiptarja.com)   
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46