Aktori i njohur Leonardo di Caprio, aktivist për çështjet e mjedisit, ka reaguar sërish sa i përket ‘Lumit Vjosa’. Një zë kritik, i cili ka kërkuar prej kohësh shpalljen e saj në Park Kombëtar, ka përshëndetur memorandumin e nënshkruar nga qeveria shqiptare me organizatën amerikane “Patagonia” për të arritur qëllimin e shkallës më të lartë të mbrojtjes, atë të parkut Kombëtar.
Di Capiro shkruan se qeveria shqiptare është një hap më pranë shpalljes së Vjosës Parkut Kombëtar, lumi i fundit i egër në Europë.
“Qeveria e Shqipërisë është një hap më pranë shpalljes së Parkut të parë Kombëtar të Lumit të Egër në Evropë, pas partneritetit me Patagonia për të mbrojtur lumin Vjosa, një përpjekje që përfshin fushatën Save the Blue Heart of Europe. Lumi Vjosa i Shqipërisë është lumi më i madh i egër në Evropë. Lumi dhe degët e tij rrjedhin të pazbutur nga burimi në det, duke krijuar një ekosistem biodiversiteti që mbulon mbi 300 km. Ajo është shtëpia e 1,100 llojeve të kafshëve, duke përfshirë 13 kafshë të kërcënuara globalisht dhe dy specie bimore”, shkruan Di Caprio.
Memorandumi mes Ministrisë së Turizmit dhe organizatës amerikane “Patagonia” u nënshkrua më 13 qershor. Në janar, Vjosa mori statusin “Park Natyror” duke u bërë për herë të parë pjesë e zonave të mbrojtura, ndërsa tanimë Ministria e Turizmit dhe Mjedisit dhe Patagonia do të punojnë së bashku me qëllim arritjen e shkallës më të lartë të mbrojtjes. Ky konsiderohet një hap i madh i shumëdëshiruar nga aktivistët në gjithë botën, për krijimin e Parkut të parë Kombëtar për një lumë të egër në Europë.
Brenda 45 ditësh nga nënshkrimi i këtij memorandumi, do të ngrihet grupi i punës, nën udhëheqjen e Ministrisë së Turizmit dhe Mjedisit të Shqipërisë. Detyra e këtij grupi pune është të hartojë një propozim të plotë dhe profesional për statusin e Parkut Kombëtar, përmes zonimit dhe përcaktimit të kufijve të Parkut Kombëtar, konsultimin me palët e interesit dhe shqyrtimin e mundësive të zhvillimit të eko-turizmit.
E themeluar në vitin 1973, Patagonia është një organizatë me qendër në Kaliforni të Shteteve të Bashkuara të Amerikës. E njohur ndërkombëtarisht për angazhimet e saj në fushën e mjedisit, ka marrë pjesë aktive në shumë kauza mjedisore.
Vjosa konsiderohet si lumi i fundit i egër në Europë, me një gjatësi 272 kilometra që shërben si habitat i mbi 1,100 specieve, ndër të cilat 13 janë gjallesa në rrezik zhdukje në rang global. Këto vlera ekologjike dhe kulturore ofrojnë mundësi të mëdha për eko-turizëm dhe përfitime të tjera ekonomike për njerëzit që jetojnë në rajonin përkatës. Me vendimet e qeverisë shqiptare në muajin janar 2022, sipërfaqja e zonave të mbrojtura u rrit në 21% të territorit të vendit.
Komente
Lajme të tjera
-
Shifrat Janar-Tetor/ 4,9 milionë vizitorë në zonat e mbrojtura, 1,7 mln të huaj! Kumbaro: Janë 20% më shumë se në 2023! Turizëm gjithëvjetor, fokusi tek eko-turizmi
14 Nëntor, 12:53 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Kumbaro takim me operatorë të turizmit natyror! 3,8 milionë vizitorë në zonat e mbrojtura, zhvillohet zinxhiri i ekonomisë që vjen nga turizmi
7 Tetor, 14:16 -
Gati aplikimi për Vjosën si pjesë e UNESCO-s, Kumbaro: Krenarë për gjithë punën e bërë, një kontribut i gjithë shoqërisë shqiptare
30 Shtator, 13:31 -
Ndryshime në qeveri, shkarkohen nga detyra dy zëvendësministret e Turizmit Vilma Bello dhe Almira Xhembulla
18 Shtator, 18:42 -
Shqipëria do lejojë importin e mbetjeve, Ministria për REPORT TV: Referencë, ‘Lista e Gjelbër’ e BE
21 Gusht, 15:59
-
Report Tv e paralajmëroi tre muaj më parë, qeveria i hap rrugën importit të mbetjeve jo të rrezikshme! Lista propozohet nga Ministria e Mjedisit
20 Gusht, 22:28 -
Përmet/ Po bënte rafting në lumin Vjosë, lëndohet turisti spanjoll
28 Korrik, 16:09 -
4.5 mln turistë të huaj në 6 muajt e parë të vitit, Kumbaro: Koordinim i strukturave për mbarëvajtjen e sezonit
9 Korrik, 15:26 -
Komisionet parlamentare ‘Ok’ kredisë 75.5 mln euro për pastrimin e Vjosës! Opozita kundër: Po keqpërdoren paratë, ka korrupsion
25 Qershor, 17:15
-
Nis për të tretin vit operacioni ‘Plazhe të pastra’, Kumbaro: Kërkojmë angazhimin e të gjithëve gjatë sezonit veror, pastërtia është sfidë
20 Qershor, 12:51 -
DiCaprio do të luajë Frank Sinatrën në filmin e ri
20 Prill, 10:04
Keta artiste pasi i kane shkateruar te gjith lumejte ne vendet e tyre sigurisht per hidrocentrale tani na japin mend..... Ok por qe te kthehet ne park kombetar duhen investime, cpronesime e plot te tjera.... Me qe po ju vjen kaq keq beni fushate dhe mblidhni ca fonde se jemi vendi me i varfer ne Evrope...
PërgjigjuNatdi ke te drejte qe kerkon te ruajne te eger lumin Vjose ,por ata fahatar qe u merr uji perpara kur ka permbytje kush i paguan ?Shoqsta juaj apo shteti shqiptar.Nga Kalivaci deri ne derdhje nuk ka problem dhe ngritja e hidrocentralit do ishte e nevojshme si per te firuar energji ashtu dhe per te prere vrulln lumit
PërgjigjuO Nardo, po per popullin shqiptar qe eshte ne shpopullim e siper a ka noj haber nga qeveria shqiptare?
Përgjigju