Letrat për Domin, Desnickaja: Eposi 
 i Kreshnikëve ka origjinë shqiptare

TIRANE- Janë dy letra që mbajnë datën 19 nëntor 1958. Ende nuk ishte bërë Kongresi i Drejtëshkrimit që vuri normat e gjuhës letrare shqipe dhe marrëdhëniet e miqësisë së shtetit shqiptar me Bashkimin Sovjetik ishin në fazën e parë të lulëzimit. Por albanologia e njohur ruse, Agnia Desnickaja, autore e këtyre dy letrave shihte shumë përtej këtyre normave dhe marrëdhënieve mes dy shteteve.

Agnia Desninckaja ishte një shkencëtare e re, por shumë e pasionuar pas gjuhës, letërsisë dhe kulturës shqiptare. I gjejmë ndjenjat e saj të shprehura më së miri në këto dy letra të shkruara kaq bukur në gjuhën shqipe. 

Në bibliotekën pesonale të profesorit të nderuar të gjuhësisë shqipe, të ndjerit Mahir Domi, zbulohen këto dy letra shumë domethëse të dërguara nga albanologia ruse, Agnia Denisckaja. Këtu duken ndjenjat e saj të ngrohta për kolegët shqiptarë, dashuria për gjuhën shqipe, interesi i saj i pareshtur për gjuhën shqipe, shqetësimet për pengesat që i dalin në drejtimin e katedrës së Albanologjisë në Rusi.