Letrat sekrete të Ali Pashës:
Nuk jam i privilegjuar i Francës

TIRANE- Kur bëhet fjalë për sundimin e Ali pashë Tepelenës në Janinë dhe Bonopartit në Francë, prof.dr. Irakli Kostallari zbardh vetëm majën e ajbergut të disa dokumenteve që intrigojnë dhe përmbysin një histori të tërë, jo vetëm ballkanike, por edhe europiane.

Ai ka në dorë dorëshkrime të rralla të Ali Pashë Tepelenës, të shkruara me dorën e tij. Janë dorëshkrime personale që pas transkriptimit, përkthehen për herë të parë nga greqishtja në të cilën janë shkruar në shqip. Janë letra që për herë të parë zbardhin kronika të mirëfillta të shkruara në lëvizje e sipër të rrjedhave historike. Dimë shumë ç’thonë burimet britanike për shqiptarët; ç’thonë burimet arkivore franceze për shqiptarët; ç’thonë arkivat osmane, ç’thonë ato ruse, por vallë vetë shqiptarët për historinë e tyre ç’thonë?! Kjo është pikëpyetja që ka ngritur studiuesi, kur nisi kërkimet e përmbajtjes së këtyre letrave, ku zbuloi pikërisht pjesën më të rëndësishme të historisë të mbetur në hije.