POP 5

Lajmet më të lexuara të 5 minutave të fundit

Kultura

Lexuesit spanjollë: Ismail Kadaresë t'i jepet çmimi Nobel

Një anketim i bërë nga shkrimtari i ri spanjoll Rodrigo Blanco Calderón, që jeton në Malaga të Spanjës, tregoi se Ismail Kadare është jo vetëm një nga shkrimtarët më të lexuar në Spanjë, por ka treguar edhe dëshirën e lexuesve që ai të marrë tiullin më të lartë, Nobelin

Lexuesit spanjollë: Ismail Kadaresë t'i jepet çmimi Nobel

Shkrimtari i ri, Rodrigo Blanco Calderón, që jeton në Malaga, të Spanjës, bëri një anketim spontan në rrjetin social Tuitwr, ku i pyeste lexuesit se nëse do të zgjidhnit dy shkrimtarë për Çmimin e ardhshëm të Nobelit në Letërsi, kush do të ishin.

Postimi i shkruar në spanjisht merr përgjigje kryesisht nga përdorues spanjishtfolës të rrjetit. Mes emrave të shumtë të preferuar, ai më i përsërituri është ai i shqiptarit Ismail Kadare.
Aq shumë përsëritet emri i shkrimtarit shqiptar sa që në fund, vetë Blanco Calderón shkruan se: “Nga kjo anketë, më habiti dhe më gëzoi konsensusi i gjerë se një nga autorët të cilit i duhet dhënë pa asnjë dyshim Nobeli është shqiptari Ismaíl Kadare”. Autori i librave si “Kronikë në gur”, “Gjenerali i Ushtrisë së Vdekur” dhe “Pallati i Ëndrrave”, ka qenë për shumë vite në listën e shkurtër të kandidatëve për Çmimin Nobel, po vonesa në njohjen e vlerës së veprës së tij ka shtuar dyshimin se Kadare do të jetë pjesë e plejadës së shkrimtarëve të mëdhenj të cilëve nuk iu dha ndonjëherë.
Jo të gjitha përgjigjet për pyetjet tregojnë mirëinformim. Një numër syresh kanë thënë Milan Kundera, i cili e ka fituar tashmë Çmimin Nobel, apo Amos Oz, e Umberto Eco, të cilët nuk jetojnë më. Mes dhjetëra emrash të përmendur si fitues që e meritojnë përveç Kadaresë përmenden shpesh edhe Paul Auster nga SHBA, Margaret Atëood nga Kanada si dhe poeti Rafael Cadenas nga Venezuela.

Rodrigo Blanco Calderoni, i lindur në Venezuelë e i shkolluar në Paris, ka botuar një numër librash në Spanjë, një prej të cilëve, “The Night” (Nata) ka fituar një numër çmimesh, përfshi edhe Çmimin Dyvjeçar të Romanit “Mario Vargas Llosa” si dhe të Çmimin e Rive Gauche në Paris, për Romanin e Huaj. Për kuriozitet, duke qenë se Venezuela ka qenë në lajme kohët e fundit, ai ka folur ashpër kundër regjimit diktatorial në Venezuelë dhe u është përgjigjur disa kritikëve të tij majtistë në Europë se të jesh kundër tragjedisë të popullit tënd nuk të bën “reaksionar”.
Libri i tij i fundit “Los Terneros” (Demat) doli nga shtëpia botuese “Páginas de Espuma”, në vitin 2018.
Këto anketime nuk kanë ndonjë vlerë për vendim aktual të Komisionit të Nobelit po janë gjithnjë një kuriozitet për të parë çfarë lexojnë njerëzit në vende e gjuhë të ndryshme, si dhe për të mësuar ndonjë emër të ri shkrimtari për ata që kanë nevojë për sugjerimin e ardhshëm. Më së paku, mund të thuhet se gati dy dekada në shekullin e ri, shkrimtari Ismail Kadare ka ende plot admirues në botën spanjishtfolëse.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Enton: 12/07/2019 11:23

    Një vërejtje: Milan Kundera nuk e ka fituar çmimin Nobel. Ka qenë kandidat për shumë vite, por jo nobelist.

    Përgjigju
    • Argjirokastriti: 14/07/2019 05:45

      Kundera ka fituar 20 mije dollaret per Cmimin Kadare,qe eshte shkuar Nobelit. Iu dorezuan ne Pariz, prej Fondacionit MiraVehbi Veliaj.

  • Kafsha: 12/07/2019 09:59

    Veçantia e ketij çmimi nga të tjerët eshte në faktin se Nobeli, në të gjitha fushat, ashtu si dhe për literaturë, jepet për HUMANIZËM. Keshtu që pyetja eshte e thjeshtë: A përmban humanizëm vepra e Kadaresë?

    Përgjigju
    • adamo311: 13/07/2019 00:59

      Ne gjitha veprat e tij verehet etja per liri. Pra vlera me e nalte HUMANISTE eshte LIRIA. 17-ta.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça