Besëlidhja e Lezhës është shumë pranë rikthimit në Kategorinë e Parë të futbollit në Shqipëri, edhe pse matematika nuk e ka 'vulosur' ende përfundimisht suksesin e tyre.

Skuadra lezhjane dhuroi një performancë spektakolare duke mposhtur 1-9 në transfertë Adriatikun, ndërsa në të njëjtën kohë rivali direkt Sopoti u mposht 3-0 nga Veleçiku. Këto rezultate kanë krijuar një diferencë prej 6 pikësh në krye të renditjes në Grupin A të Kategorisë së Dytë, kur kanë mbetur edhe dy javë deri në fund.

Me një golavarazh mbresëlënës (+22), Besëlidhja ka pothuajse të sigurt titullin dhe rikthimin në një kategori më lart, duke pritur vetëm zyrtarizimin matematikor.

Në Lezhë tashmë ndihet atmosfera e festës. Ndeshja e ardhshme në shtëpi ndaj Shirokës pritet të shndërrohet në një event të madh për tifozët, ku do të festohet ngritja e trofeut dhe kurorëzimi i një sezoni të dominuar prej Besëlidhjës nga fillimi deri në fund.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera