POP 5

Lajmet më të lexuara të 5 minutave të fundit

Sociale

Lezha me 120 vrojtues plazhi, por nevojiten më shumë! Ndreu: Subjektet do gjobiten

Këtë verë numri i rojeve bregdetare në Lezhe është rritur por sërish është i pamjaftueshem për gjithë vijën bregdetare ku numërohen 200 plazhe private e publike.

Teksa sezoni turistik ka nisur dhe numri i pushuesve është në rritje, siguria në plazhet e Lezhës, ku përfshihen Shëngjin, Rana e Hedhun, Kune dhe Tale mbetet problem. Ndonëse është rritur numri i vrojtuesve të plazhit ku aktualisht janë aktiv 120 persona të çertifikuar, sërish nuk plotësohen nevojat, pasi në të gjithë vijen bregdetare nga Rana e Hedhun deri në Tale numerohen mbi 200 stacione plazhi.

Sekretarja e Federates së Vrojtuesve të Plazhit dhe Shpëtimit në Uje Eni Metaj tha se subjektet private duhet të kuptojnë rëndësinë e vrojtuesit dhe të marrin masa.

“Rreth 120 prej vrojtuesve janë aktivë dhe operojnë në stacionet e plazhit, në bregdet. Me këtë sezon janë hapur dhe zona të reja, lind nevoja për vrojtues të tjerë”, tha Eni Metaj sekretare e federates.

Kryebashkiaku i Lezhës Pjerin Ndreu paralajmeron bizneset se do t’u bllokojë aktivitetin nëse nuk lotësojnë kriteret e përcaktuara në kontratë.

“Stacionet e plazheve do kontrollohen një për një. Edhe për kufirin e sigurisë në det, edhe për vrojtuesit e plazhit. Ato subjekte që nuk kanë parametrat, do të bllokohen”, tha Ndreu.

Task-forca do të zbrese në terren brenda kësaj jave për të monitoruar kushtet e sigurisë në të gjithë vijen bregdetare të Lezhës.

R.D/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça