Zvarritja e punimeve në rrugët e brendshme të qytetit të Lezhës mesa duket është kthyer në modë. Rikonstruksioni i rrugës që lidh lagjen “Nënë Tereza” me pjesën tjetër të qytetit duhej të përfundonte vetëm pas pak ditëve, por punimet janë ende në fazën fillestare.

Rikonstruksioni i rrugës së lagjes "Nënë Tereza" në qytetin e Lezhës Ka nisur 11 muaj më parë, por siç duket do të ketë fatin që kanë patur të gjitha investimet e nisura prej vitesh në këtë njësi vendore.

Muaji gusht është edhe afati i fundit për përfundimin e këtij investimi që financohet nga Banka Islamike, por asnjë mjet dhe punëtor nuk shihet gjatë gjithë segmentit ku do të kryhet ndërhyrja.

Kjo nuk është diçka e re për lagjet e qytetit të Lezhës. Pamje të tilla ka ngado, investime që nisin dhe tejzgjasin pafundësisht, madje askush nuk mund te thotë më siguri se kur mund të përfundojnë.

Redaksia Online