POP 5

Lajmet më të lexuara të 5 minutave të fundit

Kronikë

Lezhë/ Dhjetra shkolla pa ngrohje, nxënësit detyrohen të vishen trashë. Bashkia e Lezhës, asnjë përgjigje për këtë problematikë

Në dhjetra shkolla të Bashkisë së Lezhës mungon ngrohja. Edhe në shkollat ku janë kryer rinkonstruksionet rishtazhi nuk funksionojnë kaldajat. Nxënësit detyrohen të vishen trash në mënyrë që të përballojnë të ftohtin. Nga Bashkia e Lezhës nuk ka asnjë përgjigje për këtë problematikë.

Edhe këtë dimër, në një pjesë të mirë të shkollave të qytetit të Lezhës do të mungojë ngrohja. Ndonëse janë ndërtuar apo rikonstruktuar vitet e fundit në Gjimnazin “Hydajet Lezha” shkollat 9 vjeçare “Nënë Tereza”, “Gjergj Fishta”, “Kosova” dhe “Besëlidhja” sistemet kaldajave janë jashtë funksioni. Në këto kushte nxënësit thonë se janë të detyruar të vishen trashë, pasi nuk kanë zgjidhje tjeter.

''Unë jam veshur trashë sepse mungon ngrohja", tha një nxënës. "Kaloriferët nuk punojnë fare. Nuk ka ngrohje të duhur, nuk punojnë fare. Është shumë problem sepse në dimër nuk kemi ngrohjen e duhur", u shpreh një tjetër.  

Problematika pranohet edhe nga Drejtori i Arsimit në Lezhë, Bardhok Pulaj. Ai thotë se riparimi i kaldajave kërkon fonde të konsiderueshme dhe është kërkuar mbështetja e bashkisë për të gjetur zgjidhje.

"Mbetet problem si gjithmonë dhe duhet gjetur një zgjidhje për shkollat e qytetit dhe shkollat të cilat kanë ngrohje me sistem qendror, me kaldaja, pasi nuk janë në funksion. Bashkia sëbashku ne duhet të gjëjë zgjidhje në mënyrë që kjo gangrenë e viteve të zgjidhet. Sepse në fakt, temperaturat janë të ulëta dhe krijon probleme për procesin mësimor", u shpreh Bardhok Pulaj.

Ndërkohë, në fshatra situata paraqitet krejt ndryshe.Thuajse në të gjitha shkollat ngrohja realizohet me soba me dru zjarri dhe bashkia ka bërë të mundur sigurimin e lëndës drusore e cila është shpërndarë në çdo institucion arsimor.

Të kontaktuar për këtë çështje, Bashkia e Lezhës nuk pranon të prononcohet dhe nuk dihet nëse ky problem do të gjejë zgjidhje për shkollat e qytetit të Lezhës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alabani: 06/12/2018 21:19

    Ja fytyra e Krye Mashtruesit te Bashkise se lezhes vetem mashtrime kemi degjuar nga ai

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Terrorizëm antisemitik

Gjendet trupi i rabinit të zhdukur Zvi Khogan, ministri izraelit i Mbrojtjes: Terrorizëm antisemitik

24 Nëntor, 09:30