Lezhë, ndërtoi 2 kate shtesë në një objekt te Rana e Hedhun, arrestohet administratori i një kompanie ndërtimi

Lezhë, ndërtoi 2 kate shtesë në një objekt te Rana e Hedhun, arrestohet administratori i një kompanie ndërtimi

Foto ilustruese

LEZHË-Administratori i një kompanie ndërtimi në Shëngjjin është arrestuar nga policia për veprën penale "Ndërtim i paligjshëm". Në prangat e policisë ka rënë Anton Ndreca, 34-vjeç banues në Tiranë. Ai ishte shpallur në kërkim me urdhër të Prokurorisë së Lezhës pasi gjatë kontrollit në një objekt ekzistues në pronësi të tij, tek "Rana e Hedhun", Shëngjin, është konstatua se kishte ndërtuar 2 kate të tjera, pa lejen e organeve kompetente.

Hetimet në lidhje me rastin nisën disa muaj më parë nga prokurori Sabri Kastrati, i cili pas verifikimeve arriti në konkluzionin se ka element të veprës penale dhe urdhëroi, ndalimin e administratorit të firmës së ndërtimit.

Në lidhje me këtë rast janë shoqëruar dhe marrë në pyetje disa persona, por që pas dëshmisë së tyre u vendos që të hetohen në gjendje të lire. Ndërkohë në zonën e Shëngjinit janë nën hetim dhe disa raste të tjera të ndërtimeve të paligjshme, që sipas prokurorit Sabri Kastrati i cili po drejton hetimet shumë shpejt do të ketë rezultate konkrete, duke garantuar se personat përgjegjës do të përballen me drejtësinë.

Javën që lamë pas Inspektorati Kombëtar i Mbrojtjes së Territorit, në kuadër të aksioni "Bregdeti Ynë" u ndal edhe në Shëngjin ku i prishen 10 objekte pa leje kryesisht me konstrukt prej druri. Pastrimi i bregdetit nga objektet pa leje është një operacion i ndërmarrë prej disa javësh nga qeveria Rama ku deri më tani janë shembur 61 objekte teksa janë 29 të arrestuar dhe 94 milionë lekë gjoba. Shifrat i dha dje ministri i Brendshëm, Bledi Çuçi, teksa operacioni vijon.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shtyn zbatimin e fashës 800 kWh për çmimin e energjisë, mendoni se është zgjidhja e duhur?



×

Lajmi i fundit

Kërcënoi nxënësit në shkollën në Greqi, 42-vjeçarja shqiptare: Më tallën mua dhe djalin tim

Kërcënoi nxënësit në shkollën në Greqi, 42-vjeçarja shqiptare: Më tallën mua dhe djalin tim