Grabiti në 2019, 5 mln lekë të Postës që po transportoheshin në Bankë, arrestohet 40-vjeçari në Lezhë! Ishte në kërkim prej muajsh

LEZHË- Një 40-vjeçar është arrestuar pasi ishte në kërkim sepse ka vjedhur me armë  një sasi parash që transportoheshin nga një bankë në postë. Në pranga ka rënë Elton Gjini, 40 vjeç, banues në Lezhë, një person me precedentë të theksuar kriminal.

Bëhet fjalë për ngjarjen e regjistruar në 12 mars të vitit 2009 ku 40-vjeçari grabiti 5 milionë lekë të Postës së Lezhës, që ishin destinuar për pensionistet. Gjini ka mohuar deri në fund të procesit, se ka qenë autor apo bashkautor, madje ka hedhur poshtë provat e grupit hetimor për ngjarjen e 12 marsit, por pavarësisht kësaj Gjykata e Rrethit Gjyqësor Lezhë e ka dënuar me 12 vite burgim   për veprën penale "Vjedhje me armë" , e kryer në bashkëpunim.

Atij i kanë mbetur edhe 6 muaj pa kryer.

"Shërbimet e Specializuara në e Drejtorinë Vendore të Policisë Lezhë, në bashkëpunim me Komisariatin e Policisë Lezhë, në vijim të punës për zbardhjen e plotë të ngjarjeve të ndodhura më parë dhe kapjen e personave të shpallur në kërkim, me qëllim vënien e tyre para përgjegjësisë ligjore, mbi bazën e informacioneve të siguruara në rrugë operative për vendndodhjen e një shtetasi në kërkim, organizuan punën duke bërë të mundur lokalizimin, kapjen dhe ndalimin e shtetasit: Elton Gjini, 40 vjeç, banues në Lezhë( me precedentë kriminal). Ky shtetas, ishte shpallur në kërkim kombëtar, pasi Gjykata e Rrethit Gjyqësor Lezhë e ka dënuar me 12 vite burgim   për veprën penale "Vjedhje me armë" , e kryer në bashkëpunim, ku nga ky dënim ka dhe 6 muaj pa kryer, ngjarje e ndodhur me 12.03.2009, ku kanë vjedhur me armë  një sasi parash që trasportoheshin nga një bankë në postë", njofton Policia. 

B.K./J.GJ./Shqiptarja.com

TAG:
• Lezhe
• policia e lezhes
• arrestohet
• elton gjini