POP 5

Lajmet më të lexuara të 5 minutave të fundit

Kultura

Lezhë, përkujtohet 320-vjetori i Kuvendit të Arbrit! Studiuesit: Kjo ngjarje i parapriu Rilindjes tonë kombëtare

Në Lezhë është përkujtuar 320-vjetori i Kuvendit të Arbrit, një nga ngjarjet më të rëndësishme për ruajtjen e identitetit kombëtar. Kisha ku është mbajtur kuvendi tashmë është restauruar dhe aksesohet shumë lehtë, pasi rruga është asfaltuar. Autoritetet lokale dhe ato fetare synojnë ta kthejnë në atraksion të turizmit kulturor.

Lezha ka sjell në kujtese 320-vjetori i Kuvendit të Arbrit, një nga ngjarjet më të rëndësishme të kombit, pas Besëlidhjes së Gjergj Kastriotit. Në kishën ku u mbajt kuvendi në fshatin Mërqi, u organizua një veprimtari përkujtimore ku morën pjesë historianë, autoritetet lokale dhe përfaqësues nga trevat shqipfolëse. Pjesë e veprimtarisë ishte dhe promovimi i relacionit të Imzot Vinçens Zmajeviç, botuar në gjuhen shqipe.

“Në përfundim të punimeve të Kuvendit u nënshkrua dekreti, të cilin e botoi në latinisht imzot Vinçens Zmajeviç. Aty tregohet se kleri katolik shqiptar qëndroi me popullin dhe i parapriu Rilindjes Kombëtare”, tha studiuesi Dom Nik Ukgjini.

Historiani i njohur Pëllumb Xhufi vlerëson se është ngjarje e madhe për historinë e vendit.

“Këtu është shkruar një nga faqet më të rëndësishme të historisë së kombit”, tha ai.

Ndërsa kryebashkiaku i Lezhës, Pjerin Ndreu u shpreh i kënaqur për faktin se në këtë përvjetor marrin pjesë personalitete nga të gjitha trevat shqiptare.

Kuvendi Kishtar i Arbrit ishte një mbledhje e klerit katolik shqiptar, mbajtur më 14-15 janar 1703 në Kishën e Shën Gjon Kryepremit në fshatin Merqi të Lezhës, me përkrahjen e Papës me prejardhje shqiptare Klementi XI. Ndër vendimet kryesore ishin hapja e shkollave dhe botimet ne gjuhën shqipe, të cilat u zbatuan përgjatë shekujve të XVIII dhe XIX.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

25 Dhjetor, 16:43