POP 5

Lajmet më të lexuara të 5 minutave të fundit

Sociale

Lezhë, përkujtohet 556-vjetori i vdekjes së Skënderbeut! Homazhe dhe kurora në memorialin e Heroit Kombëtar

Në Lezhë zyrtarët lokalë dhe klerikët përkujtuan 556-vjetorin e vdekjes së Heroit tonë Kombëtar, Gjergj Kastrioti Skënderbeu

Lezha përkujtoi 556-vjetorin e vdekjes së Gjergj Kastriot Skëndërbeut. Heroi Kombëtar i shqiptarëve, strateg dhe burrë shteti, udhëhoqi luftën për liri e pavarësi kundër pushtimit osman, për bashkimin politiko- shtetëror të popullit shqiptar.

Në nderim të kësaj të kësaj figure emblematike për shqiptaret, autoritetet lokale dhe përfaqësuesit e klerit katolik bënë homazhe dhe vendosen kurora me lule në vendvarrimin e Skenderbeut, në qendër të qytetit.  Veprimtaria e organizuar nga Bashkia Lezhë u përmbyll me një koncert me këngë, recitime e krijime të ndryshme, kushtuar figurës së heroit tonë kombëtar.

“Me figurën e pavdekshme te Gjergj Kastriotit populli shqiptar ka shembullin dhe simbolin e bashkimit dhe vëllazërimit”, tha Otavio Vitale Ipeshkv i Dioqezës, Lezhe.

Ndërsa prefekti i qarkut, Gjergj Prendi shton se “Skenderbeu ishte shtetar dhe ushtarak i madh”.

Skënderbeu vdiq në 17 Janar të 1468-ës dhe u varros në Lezhe, ku kishte themeluar “Besëlidhjen e Lezhës” në mars të 1444-ës, me të cilën bashkoi principatat shqiptare kundër pushtimit Osman. Ndërsa Memoriali, që është njëherësh varri më madhështor në Shqipëri është ndërtuar në vitin 1981.

Sipërfaqja e Memorialit është rreth 225 m2 duke përfshirë brenda tij rrënojat e Katedrales së Shën Nikollit, mbi të cilën ai është ndërtuar. I ideuar nga skulptori i mirënjohur Odhise Paskali e me arkitekt Latif Lazimin, ky vend e përfaqëson denjësisht madhështinë e Skënderbeut.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

24 Dhjetor, 19:15