POP 5

Lajmet më të lexuara të 5 minutave të fundit

Sociale

Lezhë/ Prindërit e nxënës të Balldrenit në protestë për transportin

Prindërit dhe nxënësit e fshatit Balldren në Lezhë kanë protestuar sot pasi detyrohen të qëndrojnë çdo mëngjes 1 orë në oborrin e shkollës. Ata thanë se autobusi i sjell herët në shkollë, pasi kompania ka vetëm një mjet transporti

Prindërit dhe nxënësit e fshatit Balldren në Lezhë kanë protestuar sot pasi detyrohen të qëndrojnë çdo mëngjes 1 orë në oborrin e shkollës. Ata thanë se autobusi i sjell herët në shkollë, pasi kompania ka vetëm një mjet transporti.

Zgjidhjen e kërkojnë nga Drejtoria Arsimore e Lezhës. 

Prindërit të shqetësuar thanë se kompania e transportit ka vetëm një autobus për të gjithë nxënësit e fshatrave Balldren dhe Kakarriq, ndaj ata i transporton të parët në orën 7 pa 5. 

“Duhet t’i bësh gati, vjen furgoni në 7 pa 5 dhe vonohen dhe kur kthehen. Rrinë 8 orë në oborr të shkollës. Kjo nuk është e drejtë. Kam një në klasë të parë dhe një jashtë shtetit. Me lënë punën s’mund të jetoj. Vec me ik nga ky vend” - është shprehur një prind.

Ne i ndoqën nxënësit në këtë itenerar dhe pamë se autobusi mbërrin në shkollë brenda 10 minutash. Fëmijët qendrojnë një orë në oborr derisa të nisë mësimi.

Edhe në kthim kanë të njëjtën problematikë.  Mes tyre ka dhe fëmijë 5 vjecarë në parashkollori. Prindërit kërkojnë të gjendet një zgjidhje pa ardhur dimri dhe shirat. 

“Si nuk është problem? Në 6 jam zgjuar për të bërë gati 4 fëmijë. Rrinë në shkollë që në 7.  Është problem shumë I madh se vjen dimri dhe bën ftohtë. Nga kopshti deri në klasë të 6 deri në 2 rrinë jashtë”- është shprehur një tjetër prind.

Shërbimi i transportit për nxënësit e Balldrenit mundësohet nga Drejtoria Arsimore e Lezhës e cila ka kontratë me një kompani private.

I kontaktuar për këtë çështje Drejtori, Hasan Muça, tha se do të zhvillohet një takim me kompaninë e transportit për t’i dhënë zgjidhje kësaj problematike.
 

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion

'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion

24 Nëntor, 14:21