POP 5

Lajmet më të lexuara të 5 minutave të fundit

Sociale

Lezhë/ Prishet fusha e futbollit ku stërvitet ekipi i Besëlidhjes! Ish-futbollistët: Po zhduket historia! Ndreu: Po ndërtojmë park me lojëra dhe fusha tenisi

Në fushën e futbollit ku stërvitet ekipi i Besëlidhjes po ndërtohet një park me lojëra e fusha tenisi. Sport-klubi nuk ka reaguar, por dy ish-futbollistë të vjetër hedhin akuza ndaj kryebashkiakut Pjerin Ndreu se po shkatërron fushën ku sterviten të rinjtë.

Me fond 125 milionë lekë të qeverisë shqiptare ka nisur puna në Lezhë për ndërtimin e një parku sportiv dhe lojëra për fëmijë në vendin ku ka qenë fusha e futbollit.

Prishja e fushës ku stërviteshin të rinjtë e Klubit të futbollit “Besëlidhja” dhe që ndodhet pranë stadiumit ka nxitur reagimin e ish-futbollistëve që ndër vite kanë luajtur me këtë ekip. Salvator Kaçaj dhe Gjovalin Gega shprehen se kryebashkiaku i Lezhës po zhbën historinë e futbollit.

“Marifetet e Rilindjes janë kriminale. Lezha ka vende plot për të ndërtuar fusha tenisi e volejbolli, s’ka nevojë të prishë fushën e futbollit. I bëj thirrje zotërisë (Pjerin Ndreu) të heqë dorë nga ky projekt se po shkel ligjin. I kujtoj se për terrenet sportive vendimet mund t’i marrë vetëm Këshilli Kombëtar i Territorit, jo bashkia e Lezhës”, tha Salvador Kaçaj.

Ndërsa Gjovalin Gega ish-futbollist i Besëlidhjes tha se “i bëj thirrje bashkisë, meqenëse aneksi sporti ka mbaruar (është prishur), të paktën stadiumin mos ta prekë se është shumë e rëndë për futbollin e Lezhës. Nëse prek stadiumin e zhduk “Besëlidhjen” nga historia e futbollit shqiptar”.

Më herët kundër projektit është shprehur dhe deputetja demokrate e Lezhës, Lindita Metaliaj e cila thotë se “me vendim të Komisionit për Kthimin dhe Kompensimin e Pronave toka u është kthyer trashëgimtarëve të Cen Osmani”. Sipas saj, pronarët e kanë ankimuar në gjykatë vendimin e Bashkisë Lezhe, duke kërkuar pezullimin e punimeve.

Ndërsa zyrtarë të Bashkisë së Lezhës, kontaktuar në telefon nga Report TV thanë se toka ku po zhvillohet projekti është pronë e bashkisë dhe do të ndërtohen disa terrene sportive, si fusha tenisi e volejbolli, kënd lojërash për fëmijët.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tani: 30/12/2022 20:54

    mos e prish fushen e futbollit,,,o polic hajvan,,,kush e vuri kete budalla ne bashki,,,fajin e keni vete ju populli i lezhes,,,se e zgjodhet policin,,kryetar bashkie...polici ne tirane eshte baraz me nje gonar....

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Lamtumira për Kryepeshkopin, mban fjalim edhe mbesa e Anastasit! Ceremonia drejtohet nga Patriarku Bartolomeu

Lamtumira për Kryepeshkopin, mban fjalim edhe mbesa e Anastasit! Ceremonia drejtohet nga Patriarku Bartolomeu

30 Janar, 09:29