Lezhë/ Turizëm pa energji elektrike në Kune! Punimet e vonuara ne rrjetin e ri elektrik, po sjellin probleme

Kur sezoni turistik ka nisur zyrtarisht dhe numri i pushuesve është gjithnjë në rritje, zona e Kunes në Shengjin po përballet prej disa ditësh me mungesë të energjisë elektrike. Shkak besohet se janë  punimet që po kryhen për rrjetin e ri elektrik, investim i cili nuk ka përfunduar ende.

Por mungesa e energjisë eletrike po sjell pasoja negative për turizmin, duke vënë në vështirësi edhe bizneset më këto ditë të nxehta qershori.

Pushuesit në Kune, rendisin një sërë shqetësimesh nga mungesa e energjisë lektrike

"Jam me pushime. Nuk e di si është puna, por është problem."

"Krejt kjo bukuri, pa energji elektrike. Rryma e ndalur është problem për turistët, por besojmë se do të ketë zgjidhje."

"Ka patur problematike, ne duhet të kemi ujin e ftohtë"

Nga ana tjetër Operatori i Shpërndarjes se energjisë elektrike në Lezhë, bën me dije se investimi për rrjetin e ri elektrik në linjën 20 KË përfundon brenda pak ditësh, një zgjidhje për të gjithë Shëngjinit, nga Rana e Hedhur deri në Kune, pasi është rritur fuqia me qëllim përballimin e ngarkesës që krijohet gjatë sezonit të verës.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Zgjedhjet në Himarë, Kolegji Zgjedhor: KQZ të paraqesë projektvendim të ri për afatet

Zgjedhjet në Himarë, Kolegji Zgjedhor: KQZ të paraqesë projektvendim të ri për afatet