POP 5

Lajmet më të lexuara të 5 minutave të fundit

Periferi

Librat në Shqipëri duan të vrasin veten

Mund të duket si papërgjegjëshmëria e radhës e institucioneve shtetërore: Ja, ra një shi e u përmbyt e u lagën libra në Bibliotekën Kombëtare. Hë, hë. E dyta herë.
Librat në Shqipëri duan të vrasin veten

Shkrimtarja e librave të verdhë Agatha Christie

Mund të duket si papërgjegjëshmëria e radhës e institucioneve shtetërore: Ja, ra një shi e u përmbyt e u lagën libra në Bibliotekën Kombëtare. Hë, hë. E dyta herë. Pas zjarrit që ra në të njëjtën Bibliotekë para pak kohësh! Në fakt, çdo kronikan i kohës do ta paraqiste të tillë: Si një ngjarje e rëndomtë që ndodhi në të gdhirën e datës 23 qershor 2018, në katin e nëndheshëm të Bibliotekës Kombëtare të Shqipërisë.

Një kronikan i rëndomtë, por jo Agatha Christie, Georges Simenon, Edgar Allan Poe, Andrea Camilleri, Umberto Eco… Autorët më të mirë të librave të verdhë do të vinin të gjithë në Tiranë e do të dilnin me një titull mister: Librat duan të vetëvriten në Shqipëri!

Të gjithë do të binin dakord se në këtë bestseller (me siguri) ngjarjet do të zhvilloheshin realisht në ambjentet e nëndheshme të kësaj biblioteke, të këtij vendi ish-komunist, por të mëdhenjve të letërsisë së misterit do t’u duhej të punonin shumë kohë për të “zbardhur” ngjarjen. Ja vlente? Kurrë nuk u kishte ndodhur të thirreshin e të arrinin në një përfundim e të shpjegonin se përse librat në këtë vend tentuan dy herë të vetëvriteshin. Nga situata e vështirë do t’i shpëtonte i madhi Eco, i cili, duke qenë se në vitet e fundit të jetës së tij kishte studiuar, vëzhguar dukuritë në rrjetet sociale, u betua, se me një të hedhur sy Facebook-ut, Instagram-it, Twitter-it e të tjera rrjeteve sociale të vendit me emrin Shqipëri, do të kishte mjaft material të vlefshëm për të ofruar për të gjithë.

Dhe nuk e kishte gabim. Nuk i duhej shumë kohë Umberto Eco-s për të kuptuar se si mësues e profesorë, në vend që të kalonin vite e kohë të vlefshme për të mësuar fëmijët, të rinjtë, e kishin harxhuar atë duke e vrarë mendjen se si të fitonin, të prodhonin diploma false, tu jepnin nota të shkëlqyera e tituj studimesh lloj lloj gomarëve të fiksuar të vishnin kostumin e të diturit vetëm duke paguar. Vuri duart në kokë kur pa se si Altarët e dijes ishin hapur në këtë vend të vogël si kioska të shitjeve të kokoshkave. Nuk donte ta imagjinonte se çfarë kishin prodhuar këto kioska dhe ku ishin sot produktet e këtyre “Universiteteve” e shkollave private jashtë kontrollit të rregullave minimale të logjikës e diturisë njerëzore. Dhe për këtë, sigurisht sipas tij, fajtorë nuk ishin vetëm profesorët, edukatorët e mësuesit. Në këtë krim ishin përfshirë të gjithë.

U mjaftua të shihte promovimet e librave, kush shkruante në Shqipërinë e 2018, si e për ç’tema shkruhej. Çfarë vlerash promovoheshin dhe cila ishte etja e përgjithshme për të vërtetën, informacionin e kulturën. Nuk mund ta besonte, Umberto Eco, që rrjetet sociale vazhdonte t’i vëzhgonte me cepin e njërit sy, se ç’pa aty, ç’lexoi, e sidomos, kë vuri re se kë ndiqnin e pëlqenin gjithë shqiptarët; të gjithë këtë vendosi t’ua kursente miqve të tij shkrimtarë të epokave të tjera. “Ata nuk do të më besojnë se ky vend i vogël, i etur për dije, kulturë në kohën e tmerrshme të diktaturës, sot është kaq indiferent. Por jam i bindur: Padituria që e ka prekur, është shkaku i përpjekjes për vetëvrasje të librave”, mendoi ai.

Pas një bisede të gjatë, të mëdhenjtë e letërsisë së verdhë arritën në përfundimin se “kishte një arsye të madhe, të ndarë në disa qindra mijëra nënarsye të tjera, që librat të tentonin vetëvrasjen në katet e nëndheshme të Bibliotekës Kombëtare”. Por ata, njëzëri, vendosën që të mos bëjnë asgjë publike: Ose shqiptarët ta kuptojnë e të arrijnë vetë në identifikimin dhe zgjidhjen e problemit, ose sëmundja, që po përhapet me shpejtësinë e një epidemie, shpejt mund të prekë dhe të tjera monumente të vlefshme të kulturës e të identitetit të shqiptarëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agim: 26/06/2018 08:30

    Te vjen keq te luhet ne kete mynyre me librin e pasurine kombetare...valle c'do ju leme brezave beton e kulla...shkrim i bukur ..padija ka bere punen e vet dhe ja "bereqeti"askush nuk e ka mendjen tek libri dhe ku ne metropol Tirane..po ketej nga "malet"tona as qe behet llaf .I jane turrur materjales pa fre dhe lane shpirtin mjeran

    Përgjigju
  • Demir: 25/06/2018 19:13

    Biblioteka ka kohe qe nuk eshte me nje burim dijeje. Qe marsin e vitit te kaluar nese shkoni ne biblioteke nuk mund te terhiqen me libra per te lexuar me pretekstin e renies se zjarrit. Nese deshiron mund te lexosh librin ne biblioteke po a mund te shkohet perdite ne biblioteke per te mbaruar nje liber. Keta njerez sikur duan ta lene kete popull gdhe. Eshte shume institucion i mbaruar , duhet te ribehet nga e para pa perfshire asnje nga ata punonjes qe jane aty aktualisht duke filluar nga drejtoresha. Turp.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16