Qytetarët e Librazhdit kanë dalë dje para bashkisë dhe zyrës së punës në shenjë proteste ndaj papunësisë. Të mbështetur nga PD, qytetarët bënë thirrje për politika nxitëse të punësimit në këtë rreth.

Deputeti i PD-së Luciano Boci, tha se qytetarët ndihen të pashpresë për t’u punësuar, ndërkohë që kanë mbetur jashtë skemës së ndihmës ekonomike, shumë persona.

“Protestojmë se jemi të papunë. Librazhdi është zona më e varfër. Mos shikoni zbukurimin në qendër. Nuk kemi as ujë të pijshëm”, thanë banorët. Nga të dhënat e zyrës së punës, në bashkinë e re të Librazhdit figurojnë të papunë 38% e banorëve.

Redaksia Online
(F.T/shqiptarja.com)