Një aksident i rëndë ka ndodhur mbrëmjen e sotme në aksin Librazhd-Përrenjas, në vendin e quajtur "Kthesa e Qukësit".

Dy automjete janë përplasur dhe për pasojë janë plagosur tre persona. Dy prej tyre janë dërguar në spitalin e Librazhdit ndërsa një vajzë që është në gjendje të rëndë është transportuar në spitalin rajonal të Elbasanit. Në pamje duket se automjetet janë thuajse të shkatërruara tërësisht nga përplasja që kishin me njëra-tjetrën.

Ende nuk dihen shkaqet e aksidentit, ndërsa policia ka mbërritur në vendin e ngjarjes.