Dy vatra zjarri janë regjistruar mbrëmë në malet e Librazhdit.

Në Parkun Kombëtar të Shebenikut dhe në Malin e Xhyrës, janë zonat e prekura nga flakët e zjarrit.

Mësohet se zjarri është shuar nga shërbimi i zjarrfikëses me ndihmën edhe të banorëve të zonës, por shqetësim mbetet fakti se kjo dukuri po bëhet mjaft e zakonshme në këtë zonë. 

Kjo pasi, 4 vatra të tilla zjarri brenda 1 jave po konsiderohen të qëllimshme. Ndaj, shërbimi zjarrfikës ka kërkuar ndihmën e policisë për të identifikuar autorët. 

Rreth 30 banorë të fshatit Marinaj kanë ndihmuar autoritetet në shuarjen e flakëve në malin e Venikut.