Liderë francezë dhe gjermanë kanë sinjalizuar se nuk kanë vullnet për të ofruar një zgjatje tjetër të afatit të fundit për Brexit. Por në përshkrimin e samitit të javës së kaluar të BE për Brexitin, Donald Tusk deklaroi të martën se askush nuk duhet ta braktisë "ëndrrën" se Britania e Madhe mund ta kthejë pas kursin e saj.
Ai kërkoi nga politikanët e BE që të mos japin nxitje për një dalje të shpejtë të Britanisë thjesht nga rraskapitja.
"Në këtë moment të vështirë në historinë tonë, na nevojiten ëndërrimtarë dhe ëndrra. Ne nuk mund t'i dorëzohemi fatalizmit. Të paktën unë nuk do të ndaloj së ëndërruari për një Evropë më të mirë dhe të bashkuar", tha Tusk.
Tusku nuk përmendi me emër liderë të caktuar, por Presidenti francez Emmanuel Macron e bëri të qartë në samit se preferonte që t'i jepte vetëm pak javë Britanisë së Madhe për t'i mbyllur negociatat, në dallim nga gjashtë muajt, që iu dhanë.
'Brexitin nuk mund ta zgjasësh për një dekadë'
Ministri i Jashtëm i Gjermanisë, Heiko Maas theksoi të martën se Britania e Madhe nuk duhet të presë që t'i jepet një shtyrje tjetër. Ai tha se çdo kërkesë e tillë do të lexohet si dëshirë për të qëndruar në BE.
"Në tetor ata duhet të vendosin se çfarë duan", i tha Maas gazetës Financial Times. "Brexitin nuk mund ta zgjasësh për një dekadë"
Në aluzion për situatën absurde të Britanisë, kur ajo po përgatitet të paraqesë kandidatë për zgjedhjet e ardhshme të Parlamentit Evropian, Maas tha: "Vetëm mendo për këtë: thua se do të largohesh nga Evropa dhe pastaj ti mban zgjedhje për Parlamentin Evropian", tha Mass.
Por Presidenti i Komisionit Evropian Jean-Claude Juncker megjithatë tha të martën se është në dorën e Britanisë se kur duhet të largohet nga BE. Por shtoi se nuk pret që qeveria britanike ta ndryshojë kursin.
Junckeri gjithashtu propozoi që para afatit të 31 tetorit, 27 shtetet e tjera të BE të ruajnë të drejtën të takohen pa e ftuar Britaninë e Madhe. DW
Lajme të tjera
-
Brexit i ka kushtuar Britanisë më shumë se 140 miliardë paund
11 Janar, 12:54 -
Tre vjet Brexit, probleme dhe shqetësime të reja
27 Dhjetor 2023, 11:20 -
Tarifat e Brexit për automjetet elektrike: pezullim nga BE?
6 Dhjetor 2023, 19:56 -
Mbretëria e Bashkuar dhe BE arrijnë një marrëveshje të re tregtare pas Brexit! Si zgjidhen përplasjet për Protokollin e Irlandës së Veriut
27 Shkurt 2023, 18:57 -
Brexit/ Marrëveshja kyçe me Irlandën e Veriut, Von der Leyen nesër takim ballë për ballë me Sunak
26 Shkurt 2023, 22:06 -
Si ka ndikuar Brexiti në turizmin britanik
4 Shkurt 2023, 08:43 -
4000 mjekë më pak në Britani pas shkëputjes nga BE, Anglia ka mungesa
28 Nëntor 2022, 12:55 -
The Times: Fundi i një romance politike mes Britanisë dhe Shqipërisë?
13 Nëntor 2022, 20:13 -
Brexiti përkeqëson mungesën e personelit në Britaninë e Madhe
15 Gusht 2022, 22:18 -
Vijojnë tensionet mes dy superfuqive për peshkimin! Britania zhgënjehet nga masat strikte të Francës
28 Tetor 2021, 04:18 -
Realiteti i vështirë i Brexit po godet Britaninë, Boris Johnson mendon se tashmë nuk mund të jetë më vetëm ‘partia e biznesit’
27 Tetor 2021, 16:06 -
Pas Brexit, qytetarët evropianë kanë 28 ditë afat për të aplikuar për qëndrim në Britani
23 Qershor 2021, 11:48
