POP 5

Lajmet më të lexuara të 5 minutave të fundit

Sport

Liga e Kombeve/ Spanja 'shemb' 1-4 Zvicrën, Danimarka i jep leksion Serbisë! Kroacia fiton me 'perlën' e Modric, Cristiano Ronaldo shkon 901

Portugalia iu fal Cristiano Ronaldos për të mundur Skocinë, me CR7 që shënon golin e 901 në karrierë.

Liga e Kombeve/ Spanja 'shemb' 1-4 Zvicrën, Danimarka i jep leksion Serbisë! Kroacia fiton me 'perlën' e Modric, Cristiano Ronaldo shkon 901

Luka Modric dhe Cristiano Ronaldo

Liga e Kombeve vijoi edhe këtë të dielë me ndeshjet e dyta në Ligën A, C dhe D. Ra në sy fitorja e Spanjës, Kroacisë apo edhe humbja e Serbisë. Portugalia iu fal Cristiano Ronaldos për të mundur Skocinë, me CR7 që shënon golin e 901 në karrierë.

Në Gjenevë, Zvicra vendase humbi 1-4 kundër Spanjës nën një shi të rrëmbyer. Joselu pas vetëm katër minutash kaloi në epërsi miqtë, që gjetën edhe golin e dytë me Ruiz në pjesën e parë. Paçka se mbetën me dhjetë lojtarë pas daljes me karton të kuq të Le Normand, Spanja shënoi edhe dy gola të tjerë me Ruiz (2x) dhe Torres, duke zhvlerësuar golin e Amdouni për helvetët. Në vetëm tre ditë Zvicra ka pësuar dy humbje në Ligën e Kombeve.

Në Lisbonë, Portugalia përmbysi 2-1 Skocinë. Miqtë shënuan me McTominay pas vetëm shtatë minutave. Në fraksionin e dytë në fushë u hodh Ronaldo, që rezultoi deçiziv. Më parë Bruno Fernandes barazoi ndeshjen, para se CR7 në minutën e 88-të të shënonte golin e 901 në karrierë dhe t'i jepte tri pikët e radhës luzitanëve.

Në Osijek, Kroacia iu fal 'perlës' së Luka Modric në minutën e 52-të nga goditja e dënimit për të mundur 1-0 Poloninë. Ndërkohë që në Copenhagen Danimarka fitoi 2-0 kundër Serbisë me golat e Granbaek dhe Poulsen.

Rezultatet e plota:

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rama e deputetët e vjetër të PS në lista të hapura, është vendimi i duhur?

Lajme të tjera



×

Lajmi i fundit

Tragjedi për aktoren e njohur të 'Hollywood' i vdes nëna mbrëmjen që fitoi çmimin e veçantë në Festivalin e Filmit të Venecias

Tragjedi për aktoren e njohur të 'Hollywood' i vdes nëna mbrëmjen që fitoi çmimin e veçantë në Festivalin e Filmit të Venecias

8 Shtator, 22:39