POP 5

Lajmet më të lexuara të 5 minutave të fundit

Politikë

Ligjëroi 30 Qershorin, zbardhet vendimi i Kolegjit Zgjedhor: Presidenti nuk mund të anulojë dekretin e të shpallë datë të re

Ditën që Presidenti shpalli datën e re të zgjedhjeve më 13 tetor, Kolegji Zgjedhor zbardh të argumentuar vendimin e tij duke e cilësuar dekretin e Presidentit si të paligjshëm. Sipas kolegjit Presidenti as nuk mund të anulojë datën e as mund të nxjerr një datë të re pasi më parë ka shpallur datën 30 qershor. Në argumentet e tij kolegji përdor për kronologji edhe mandatin e kryeprokurorit si dhe të drejtën universal që qytetarët kanë për të zgjedhur cdo 4 vite.

ReportTv siguron vendimit e plotë të kolegjit zgjedhor ku në 32 faqe argumentohet pavlefshmëria e dekretit të presidentit për të anuluar 30 qershorin si datën e zgjedhjeve lokale. Ky vendim është zbardhur në të njëjtën ditë kur presidenti caktoi datën e re të zgjedhjeve më 13 tetor 2019, por sipas kolegjit pasi presidenti nxjerr një dekret me datë zgjedhjesh as ka të drejtë ta anuloj atë as ka të drejtë të nxjerr një datë tjetër.

Në faqen 15 të këtij vendimi kolegji shprehet;
“Kolegji çmon të bazuar qëndrimin e KQZ-së ku shprehet në vendim se: “dekretimi duhet bërë duke respektuar periudhën zgjedhore (neni 8)”, dhe se dekretimi duhet bërë jo më vonë se 9 muaj ... (neni 9)”. Presidenti i Republikës ka kompetencë të kufizuar në kohë, dhe tej kësaj kohe, ai nuk ka më asnjë kompetencë për të vepruar në këtë drejtim. Pra, as mund të ndryshojë dhe as mund të shfuqizojë datën e zgjedhjeve. Të dyja këto parashikime të Kodit Zgjedhor nuk janë respektuar në nxjerrjen e dekretit të dytë, për rrjedhojë, janë momente që e bëjnë dekretin e dytë të Presidentit të Republikës të jetë në shkelje të hapur dhe në mënyrë flagrante me dispozitat ligjore në kuptim të nenit 108, paragrafi 2, germa “a” të Kodit të Procedurave Administrative”.

Vetëm ligji mund ta lejojë që Presidenti të ndryshojë apo të shfuqizojë datën e zgjedhjeve, sikurse ka ndodhur në vitin 2007, kur Kuvendi u detyrua të ndryshojë Kodin Zgjedhor për të mundësuar këtë, sqaron kolegji në vendimin e tij. Më tej ata shtojnë se me veprimet që ka kryer presidenti për të anuluar datën e zgjedhjeve më 30 qershor ka marrë kompetencat e parlamentit. “Në vijim të këtij arsyetimi, Kolegji Zgjedhor çmon se Presidenti i Republikës, nëpërmjet anulimit të datës së zgjedhjeve për organet e qeverisjes vendore të 30 qershorit 2019, në mungesë të kompetencës ligjore dhe tej afateve të parashikuara nga Kodi Zgjedhor, ka marrë kompetencat e një organi tjetër, konkretisht ka marrë kompetencat e Kuvendit të Shqipërisë”.

Në një tjetër argument kolegji thotë se me dekretin e anulimit presidenti i ka hequr të drejtën qytetarëve të zgjedhin. “Gjithashtu, Kolegji Zgjedhor çmon se anulimi i datës së zgjedhjeve në mungesë të kompetencës ligjore dhe në shkelje të afateve të parashikuara nga Kodi Zgjedhor bën që në fakt, shtetasve shqiptarë me të drejtë vote t’iu mohohet një e drejtë kushtetuese e parashikuar nga Kushtetuta e Republikës së Shqipërisë: e drejta për të zgjedhur dhe për t’u zgjedhur sipas nenit 45 të Kushtetutës”.

Një tjetër argument ligjorë i përdorur nga kolegji zgjedhor është edhe afati i të zgjedhurve vendorë ku sipas tij është 4 vjeçar, e për analogji sjellin rastin e kryeprokurorit ku në mbarim të mandatit ai zëvendësohet. “Nëpërmjet anulimit të datës së zgjedhjeve bëhet edhe zgjatja e mandatit të organeve të qeverisjes vendore tej afatit ligjor, e një gjë e tillë është e papranueshme, pasi bie ndesh me nenin 1, pika 3 dhe nenin 2, pikat 1 e 2 të Kushtetutës. Për arritjen e këtij përfundimi Kolegji Zgjedhor ka në konsideratë edhe rregullimet ligjore për marrëdhënie analoge në fushën e së drejtës publike. Kështu, sipas këtyre normave të së drejtës objektive, për një kategori funksionarësh të lartë (për shembull Prokurori i përgjithshëm, KLP dhe KLGJ, Kushtetuta dhe ligji respektiv parashikon afate kohore për fillimin e procedurave për zëvendësimin e tyre përpara përfundimit të mandatit, pikërisht për të respektuar këtë të fundit”.

Pjesë nga vendimi i zbardhur i Kolegjit Zgjedhor

(Kliko ketu per te lexuar vendimin e plote te Kolegjit Zgjedhor)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lali: 27/06/2019 22:35

    Bravo Gjyqtaret e Kolegjit, profesioniste te vertete sidomos, z. Mustafa, Ritvani dhe Arturi nga Llakatundi

    Përgjigju
  • Populli: 27/06/2019 16:52

    Plaseni ne burg se po ven veprime kriminale,keto jane veprime tejet te rrezikshme duke shkaktuar premisa per perplasje e percarje,keto jane veprime flagrante kriminale te denueshme e per pasoje ky kriminel duhet arrestuar pa pritur Gjykaten Kushtetuese.

    Përgjigju
  • adamo311: 27/06/2019 16:18

    Hudheni ne BURG METEN.

    Përgjigju
  • Vlora: 27/06/2019 16:10

    Po pra prandaj kur e pyeti gazetarja qe cfare ligjesh ke marre parasysh per tu mbrojtur ne kete rast? Pordhidenti tha: Une jam gati ta coni deri ne Hage dhe ne cdo gjykate tjeter pasi : (ketu eshte futja) Vendimi qe une mora eshte i mrekullueshem per nje te diele fantastike pra me pak fjale i pabazuar gjekundi. (nuk tha qe e mora vendimin bazuar ne ligj) Dhe nga ana tjeter me sa duket eshte duke pergatitur daljen per ne kemp me DIAGNOZEN : AntiRamist i shfrenuar me lobin e djathte te deformuar ne formen e pllakes se floririt.

    Përgjigju
  • erma: 27/06/2019 16:08

    PLERAT QE PO DHJESIN GJAK NGA VETTING, BENE KOBIN E RADHES!!!

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55