POP 5

Lajmet më të lexuara të 5 minutave të fundit

Politikë

'Ligjet për bizneset e tyre'/ Vetëm dy deputetë deklarojnë konfliktin e interesit

Në një parlament me numër të madh biznesmenësh, gjithnjë është ngritur pyetja nëse ligjet miratohen për interesin publik, apo për të favorizuar vetë deputetët apo të njohurit e tyre. Ndaj kodi i Sjelljes i miratuar vjet përfshiu një nen që i ndalon deputetët të marrin pjesë në të tilla votime, por deri tani vetëm Fatmir Xhafaj dhe Vasilika Hysi kanë deklaruar konfliktin e interesit.

Kodi i Sjelljes i Kuvendit, i kufizon deputetët jo vetëm në veshje, fjalor apo sjellje të caktuara, por po ashtu i ndalon që të marrin pjesë në votime apo vendime parlamentare që favorizojnë ata, familjarët apo të njohurit e tyre në angazhimet private.

Neni 13 i Kodit të Sjelljes lë detyrimin që deputeti ta deklarojë konfliktin e interesit.

“3. Kur një deputet, gjatë procesit ligjvënës, është subjekt i një interesi privat dhe mund të ndikohet nga çështja në shqyrtim, bën deklaratë me shkrim dhe e dorëzon pranë shërbimit përgjegjës për deputetët. Deklarata me shkrim e deputetit për konfliktin e interesit, rast pas rasti, publikohet në faqen zyrtare të Kuvendit në internet.

4. Deputeti nuk ka të drejtë të votojë për një projektligj ose dokument tjetër politik kur ka konflikt interesi dhe as të promovojë projektligje ose interesa për shpërblim/pagesë apo për përfitime të drejtpërdrejta ose të tërthorta”.

Por kur kanë kaluar 12 muaj nga miratimi i Kodit të Sjelljes së deputetëve, vetëm dy prej tyre kanë deklaruar të jenë ndeshur me Konflikt Interesi, edhe pse parlamenti është plot me biznesmenë, të cilët janë prekur të paktën nga paketa fiskale.

Fatmir Xhafaj nuk ka marrë pjesë në shqyrtimin e ligjit për përmbarimin gjyqësor privat, me argumentin se të afërm të tij janë të angazhuar në këtë sektor, ndërsa Vasilika Hysi nuk ka marrë pjesë në procesin e përzgjedhjes së kandidatëve për një anëtar bordi, me deklarimin se ka njohje të afërta me një prej kandidatëve.

Deklarimi i Fatmir Xhafës

Deklarimi i Vasilika Hysit

Vasilika Hysi dhe Fatmri Xhafaj 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

22 Janar, 16:42