POP 5

Lajmet më të lexuara të 5 minutave të fundit

Opinion

lir Meta mes ‘çupëlinës’ dhe ‘Sorkadhes’, dhe përballë Drejtësisë!

Ilir Meta ka mbledhur për të disatin vit radhazi një grup të rinjsh në Jalë. I ndodhur që të martën atje, Ilir Meta ka dalë në media të paktën 12 herë në tre ditë. Të rinjve që ka mbledhur, ditën u bën instruktazh për revolucionin e shtatorit, në darkë i tërheq zvarrë para kamerave të kërcejnë këngët e Sami Kallmit.

lir Meta mes ‘çupëlinës’ dhe ‘Sorkadhes’, dhe përballë Drejtësisë!

Ministrja Bora Muzhaqi dhe Ilir Meta në Jalë me të rinjtë

Ilir Meta ka mbledhur për të disatin vit radhazi një grup të rinjsh në Jalë. I ndodhur që të martën atje, Ilir Meta ka dalë në media të paktën 12 herë në tre ditë. Të rinjve që ka mbledhur, ditën u bën instruktazh për revolucionin e shtatorit, në darkë i tërheq zvarrë para kamerave të kërcejnë këngët e Sami Kallmit. Të gjithë fatkeqësisht për karshillëk dhe dekor që Ilir Meta të ngjaj i ri dhe i mbështetur nga rinia.

E gjithë kjo panoramë për të dhjetin a pesëmbëdhjetin vit mbetet pa kritikë nga politika dhe mediat. Përdorimi që u bëhet të rinjve nën mashtrimin e pushimeve falas; Mungesa e transparencës së financimit të këtij aktiviteti të përvitshëm dhe “kursi” që u bën Meta, Vasili dhe ndonjë tjetër të rinjve. Të gjitha në heshtje, a thua se është diçka normale të mbash miting përditë në plazh.

Ilir Meta është përfshirë në një përplasje me ministrin Bora Muzhaqi. Shkëndijat e shpërthimit u panë qëkurse qeveria priti dhe shpërbleu Luiza Gegën. Një vrer u derdh lumë në rrjetet sociale dhe në mediat pranë tij. Tashmë ai ka zgjedhur të përdorë të njëjtat instrumenta dhe kryefjalë e sulmeve është: “Bora çupëlinë dhe papagall i Ramës”. Është e pakuptueshme sesi një politikane e re mund të bullizohet në këtë mënyrë dhe të kryqëzohet pse nuk mendon si Sali Berisha dhe Ilir Meta. Fjala bie, kur Edi Rama shkëmben batuta në Kuvend me ndonjë grua, të gjithë janë gati ta kryqëzojnë. Për Borën heshtin.

Standardet e Ilir Metës se ‘të rinjtë e mi, janë më të mirë se të rinjtë e tu’ janë sa përçarës, po aq edhe qesharake. Fjala bie, ‘çupëlina’ është ministre e një vendi të lirë ndërsa ata që mbledh Meta janë kandidatë për rrogëtarë. Edhe pse po marrin leksione për revolucionin, askush s’ia quan diversantë Ilir Metës mbështetësit e tij. Edhe pse Meta i përdor, opinioni nuk merret me ta, por me regjisorin e shfaqjes.

S’ka arsye për t’u bërë xhind pse ia thonë të vërtetat Ilir Metës. Po! Të gjitha ia ka dhënë ky vend dhe gjithçka që ka dashur, ia ka marrë këtij vendi. Dhe në të vetmin rast që ka pak shpresë dhe nis një hetim ndaj tij, ai tenton të na përqeshë duke publikuar videot teksa kërcen ‘Sorkadhen’.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pavliqoti: 25/08/2022 16:27

    Po mirë mo shoku gazetar, Meta dihet kush është, po kjo “çupëlina” këtë fjalor si politikane e re si psh “mbetje” pse përdor???? Apo kur përdorin fjalë banale ska problem kur ja kthejnë bullizohen. Hajde rilindje hajde mirë tha Shalsi kur të vime ne në pushtet yimë si të vjedhim dje i doli fjala

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04