POP 5

Lajmet më të lexuara të 5 minutave të fundit

Kronikë

Lirimi i Lulzim Berishës, njihuni
me 3 anëtarët e trupës së Apelit

Gjykata e Apelit në Durrës dha vendimin për lirimin e ish-kreut të "Bandës së Durrësit", Lulzim Berisha, të martën e 6 dhjetorit, duke i falur atij 5 vite nga dënimi.  Faksimile e vendimit me gjyqtar Arben Vrioni.  VIDEO
Tahiri: Lirimi i Lul Berishës kambanë alarmi, duhet Vettingu
PD: Rama liroi Lulzim Berishën nga burgu, pse po hesht?
Lirimi i Lulzim Berishës, njihuni<br />me 3 anëtarët e trupës së Apelit
TIRANE-"Duhet të indinjohemi nga lirimi i Lul Berishës". Kështu u shpreh sot ambasadori amerikan Donald Lu lidhur me lirimin nga burgu të ish-kreut të "Bandës së Durrësit". Menjëherë vemendja shkon tek trupi gjykues që i dha lirine Lul Berishës, ndërkohë që kishte dhe 5 vite burg të mbetura për të vuajtur në qeli.

Ka qenë Gjykata e Apelit në Durrës institucioni që dha vendimin për lirimin e ish-kreut të "Bandës së Durrësit", Lulzim Berisha, të martën e 6 dhjetorit, duke i falur atij 5 vite nga dënimi.   
 
Shqiptarja.com zbardh se relator i çështjes në Apel ka qenë gjyqtari, Arben Vrioni, ish-kryetar i Gjykatës së Elbasanit, i cili prej pak kohësh është vendosur në Apelin e Durrësit.
 
Ndërsa dy anëtarët e tjerë të trupit gjykues kanë qenë Petrit Ceno dhe Anita Mici.

Anita Mici
(Anita Mici)

Regjistrimi i dosjes për gjykim në Apel është bërë në 9 shtator të këtij viti, pasi gjykata e Shkallës së Parë nuk ka pranuar gjykimin e çështjes.
 
Ndërsa vendimi që çoi në lirimin e Berishës, u dha nga treshja e trupës së Gjykatës së Apelit në Durrës, vetëm 3 ditë.
 
Ndërkohë, ende nuk është zbardhur vendimi i gjykatës, ndërsa mësohet se shkak për lirimin e tij është bërë pretendimi i Lulzim Berishës se vuan nga një sëmundje e rëndë. 

Gjatë kohës që vuante dënimin, ish-kreu i bandës së Durrësit kishte përfituar disa herë ulje dënimi, për sjellje të mirë dhe probleme me shëndetin.

Sot, ambasadori i Shteteve të Bashkuara të Amerikës në Tiranë, Donald Lu tha se lirimi i kapobandës është bërë për arsye të panjohura, ndërsa e ka cilësuar vendimin e Gjykatës së Durrësit si të papranueshëm. 
/Shqiptarja.com
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

31 Mars, 22:55