Listat, Ekspertët: Ka pak juristë
e ekonomistë, kush do i bëjë ligjet

TIRANE- Listat e kandidateve për deputet si nga PD ashtu dhe nga PS e LSI paraqesin një sërë problematikash , duke nisur nga përzgjedhja e kandidatëve ,përfshirja e biznesmenëve, përfaqësimi i ulët i femrave. Juristia Blerta Kraja në një intervistë për A1 REPORT është shprehur se ajo çka bie më shumë në sy në këto lista është numri i ulët i juristëve dhe ekonomistëve që për përberjen e kuvendit kanë një rëndesi të vecantë.

“Nuk kemi arritur të përfshijmë në to figura të spikatura të mendimit juridik, ekonomik. Në fund të fundit për çfarë po votojmë? Të zgjedhim deputetët e Kuvendit të Shqipërisë, i cili ka detyrë funksionale të hartojë ligje, por nëse nuk ka jurist apo ekonomistë të mirë që mund të na propozojnë ligjet kush do na i bëjë ligjet?
Individët që vihen atje, a kanë lidhje me ligjin apo janë kithët në lidhje me ligjin një pjesë e tyre?”- ngre pyetjen juristja.

Një tjetër problem sipas Krajës është edhe katapultimi i disa biznesmenve ne politikë pasi mund të rrisin korrupsionin në kohën që ata vijnë në pushtet.
“Korrupsioni lind që me lista. Nëse ne katapultojmë individë që thjesht hedhin para ata persona do duan t’i nxjerrin ato para për të hyrë në politikë. Legjislatori në Kodin Zgjedhor është treguar i kujdesshëm dhe evidenton shumën sa mund të financohet për zgjedhje.”- sqaron ajo.

Po ashtu edhe numri i ulët i përfaqësimit të femrave është një nga mangësitë e evidentuara në lista. Vetëm një ditë me parë KQZ gjobiti PS, PD e LSI për mosrespektim të kuotës prej 30 përqind të përfaqësimit të femrave në parlament.

(Foto: Juristja Blerta Kraja)
(sg/shqiptarja.com)

TAG:
• kqz