POP 5

Lajmet më të lexuara të 5 minutave të fundit

Sport

Liverpool fiton Superkupën, Chelsea bie tek penalltitë

Liverpuli është fituesi i Superkupës së Europës. Historia përsëritet dhe në Stamboll feston gjithmonë Liverpuli. Skuadra e Klop mposhti me penallti Çelsin pas rezultatit 2-2 në fund të 120 minutave lojë. Heroi ishte portieri Adrian që priti penalltinë vendimtare ndërsa provën e kaloi edhe arbitrja franceze Frapart.

Liverpool fiton Superkupën, Chelsea bie tek penalltitë

Në Stamboll dhe me penallti fiton gjithmonë Liverpooli. Historia përsëritet dhe “The Reds” bënë të tyren Superkupën e Europës duke mposhtur Chelsean pas penalltive. Në stadiumin e Besiktas-it u luajt një ndeshje shumë e bukur e ekuilibruar dhe që dhuroi show. 90 minutat e kohës së rregullt u mbyllën në barazim 1-1. Chelsea i Lampard zhvilloi një pjesë të parë fantastike duke e mbyllur në avantazh me golin e Olivier Giroud ndërsa fituesit e Champions barazuan menjëherë në fillimin e pjesës së dytë me Sadio Mane dhe më pas u shkua në kohët shtesë.

Edhe në 30 minutat e shtesës do të kishte barazpeshë në rezultat. Sadio Mane kompletoi dygolëshin personal duke mundur Kepan në minutën e 94-të dhe i dha avantazhin skuadrës së Klopp. Gjithsesi Chelsea do barazonte me një penallti të fituar nga Abraham dhe të akorduar nga arbitrja franceze Stephanie Frappart që ishte në lartësinë e detyrës. Penalltinë e ktheu në gol mesfushori Jorginho. Në fund të 120 minutave Liverpool-Chelsea mbyllet 2-2 dhe shkohet tek penalltitë. Në ruletën e njëmbëdhjetë metërshave futbollistët e Liverpool u treguan të saktë duke shënuar të gjithë ndërsa Lampardin e tradhëtoi i riu Abraham. Në hero u shndërrua portieri spanjoll i të kuqve Adrian që e priti penalltinë vendimtare. Festa është e gjitha e Liverpool.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

18 Nëntor, 08:18