POP 5

Lajmet më të lexuara të 5 minutave të fundit

Sport

Liverpool i pa mposhtur, City me “5 yje”, Mourinho hutohet ndaj skuadrës portugeze

Liverpool i pa mposhtur, ka fituar me lehtësi 3-0 ndaj skuadrës Southampton në Anfield. Ashtu siç pritej, të Kuqtë gjatë ndeshjes nuk e kanë pasur të vështirë të merrnin fitoren e 6-të në po aq ndeshje të Premier League.
Liverpool i pa mposhtur, City me “5 yje”, Mourinho hutohet ndaj skuadrës portugeze

Foto nga ndeshja

Liverpool i pa mposhtur, ka fituar me lehtësi 3-0 ndaj skuadrës Southampton në Anfield. Ashtu siç pritej, të Kuqtë gjatë ndeshjes nuk e kanë pasur të vështirë të merrnin fitoren e 6-të në po aq ndeshje të Premier League dhe tani kryesojnë të vetëm renditjen.

Gjatë pjesës së parë duheshin vetëm 10’ minuta që vendasit të zhbllokonin rezultatin pas autogolit të Hoedt. Ndërsa nga mesi i pjesës së parë ishte qendërmbrojtësi Matip ai që dyfishoi rezultatin e lojës dhe që nga ai moment u kuptua se do të ishte një ndeshje e rehatshme për lojtarët e Jurgen Klopp. Dhe në sekondat e fundit të pjesës së pari ishte Mohamed Salah ai që trefishoi rezultatin pas shtyllës së Shaqirit.

Për sa i përket pjesës së dytë ishte më tepër ruajtje energjish nga ana e vendasve që kanë një kalendar të vështirë në javët e ardhshme.

Skuadra e Manchester City ka reaguar pas disfatës në Champions League duke mposhtur 5-0 Cardiff. Të besuarit e Pep Guardiola-s nuk e nisën mirë lojën dhe kjo edhe për meritë të kundërshtarit që mbrohej mirë.

Gjithçka ka nisur me golin e Aguero-s në minutën e 32’, i cili ka zhbllokuar miqtë nga emocionet dhe ka demoralizuar vendasit. Dy gola të tjerë u shënuan nga Qytetarët përpara se të përfundonte pjesa e parë dhe shënues ishin Bernardo Silva me Gundogan. Ndërsa në pjesën e dytë ishte Mahrez ai që gjeti golin e tij të parë me ekipin e ri teksa kishte vetëm gjashtë minuta që ishte në fushë pas zëvendësimit me Aguero-n, dhe të dytë në minutat e fundit të takimit.

Ndërkohë skuadra e Manchester United nuk ka kaluar një të shtunë të mirë teksa ka barazuar me rezultatin 1-1 ndaj Wolverhampton. Mirëpo të besuarit e Mourinho-s kanë vuajtur ndaj skuadrës portugeze të Wolves dhe si përfundim duhet të kënaqen me një pikë në Old Trafford.

Gjatë ndeshjes u duk sikur gjithçka do të shkonte për bukuri për vendasit teksa Fred shënon golin e parë me fanellën e Djajve pas një pasimi të bukur të Pogba. Por gjithçka ndryshon kur Joao Moutinho ka ndëshkuar bashkëkombësin e tij Mourinho në minutën e 53’ me një gol fantastik në hyrje të zonës. Ndërsa në minutat e mbetura United u mundua me çdo mjet të gjente golin e fitores, por Wolves u mbrojt mirë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Pakistan/ 82 njerëz të vrarë në 3 ditë si pasojë e dhunës sektariane

Pakistan/ 82 njerëz të vrarë në 3 ditë si pasojë e dhunës sektariane

24 Nëntor, 12:28