POP 5

Lajmet më të lexuara të 5 minutave të fundit

Sport

Liverpool kërkon Strakoshën, Tare mendon për Iker Casillas

Gafat e portierit gjerman në finalen e Champions League, kanë shtyrë klubin e Liverpool të kërkojë një portier tjetër. Dhe të kuqtë kanë shënjestruar portierin shqiptar të Lacios, Thomas Strakosha, i cili luajti të 38 ndeshjet si titullar këtë sezon

Një lajm i bujshëm vjen për portierin shqiptar të Lazios dhe Kombëtares shqiptare, Thomas Strakosha. Gafat e portierit të Liverpool, Loris Karius, kanë bërë që klubi i kuq të vihet në lëvizje.

Dhe Thomas Strakosha është vënë në shënjestrën e Liverpoolit, që kërkon me çdo kusht të marrë një portier kalibri, pasi u “dogj” në finalen e Champions League nga gabimet e gjermanit.

Nuk është thjesht një lajm merkatoje, por një interesim serioz i klubit të madh anglez, që ka bërë gati një ofertë prej 30 milionë eurosh. Një ofertë që Igli Tare dhe Klaudio Lotito nuk do ta refuzonin, kur kujtojmë që portieri shqiptar ka kushtuar vetëm 75 mijë euro para 4 vitesh.

Liverpool ka provuar të marrë portierë, si Alisson i Romës dhe Donnarumma i Milan, por nuk ia ka dalë dhe tani e ka përqendruar vëmendjen te shqiptari i Lazios.

Priten zhvillime interesante në këtë pistë, ku së pari, Tare pret ofertën zyrtare nga Liverpool. Dhe për të mos u gjendur i papërgatitur, nëse Strakosha transferohet te Liverpool, Tare po sheh pistat e mundshme për zëvendësuesin e portierit kuqezi.

Drejtori sportiv i Lazios ka nisur kontaktet me Iker Casillas, portierin legjendar të Real, që prej tre vitesh luan në Portugali me Porton. Madje, bëhet e ditur se spanjolli është i gatshëm të qëndrojë edhe si portier i dytë te Lazio, zëvendësues i Strakoshës, nëse ky i fundit do të qëndrojë në Romë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça