POP 5

Lajmet më të lexuara të 5 minutave të fundit

Sport

Liverpool plotëson ëndrrën e Sven Goran Eriksson, trajneri do drejtojë klubin e kuq nga stoli

Liverpooli ka njoftuar se trajneri legjendar, suedezi Sven Goran Eriksson do të jetë pjesë e stafit stërvitor për ndeshjen e ardhshme të bamirësisë mes legjendave të Liverpoolit dhe Ajaxit.

Liverpool plotëson ëndrrën e Sven Goran Eriksson, trajneri do drejtojë klubin e kuq nga stoli

Posteri i ndeshjes

Pak javë më parë bota e futbollit u trondit nga lajmet për gjendjen shëndetësore të ish-trajnerit anglez Sven Goran Eriksson, i cili zbuloi se vuante nga një formë e pashërueshme e kancerit dhe se në rastin më të mirë kishte maksimumi një vit për të jetuar.

Trajneri i Liverpoolit, Jurgen Klopp tashmë ka marrë iniciativën dhe i ka sugjeruar klubit të përmbushë dëshirën e suedezit, të cilën ai nuk mundi ose nuk arriti ta përmbushte gjatë karrierës së tij aktive si trajner; të bëhej trajner i klubit për të cilin ka bërë tifo qysh në fëmijëri, të paktën për një ditë.

Liverpooli ka përmbushur dëshirën e fundit të madhe të 75-vjeçarit Eriksson, pasi drejtuesit e klubit kanë bërë të ditur sot se Eriksson do të jetë pjesë e stafit të trajnerëve në ndeshjen e ardhshme të bamirësisë mes legjendave të Liverpoolit dhe Ajaxit, e cila do të luhet më 23 mars në 'Anfield'.

Tashmë shtatë ish-lojtarë të Liverpoolit kanë konfirmuar pjesëmarrjen në ndeshjen me Ajax-in, përkatësisht Sander Uesterveld, Martin Skrtel, Fabio Aurelio, Gregory Vignal, Djibril Cisse, Jerzy Dudek dhe Ryan Babel.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46