Gjokutaj: Po, Frrokut iu gjet orë me kamerë të fshehtë, s'perdorte
Përdorimi i këtij argumenti ka irrituar avokatët mbrojtës të deputetit Mark Frroku, duke pohuar se Llalla ka dalë nga kornizat e ligjit dhe juridiksioni i akuzës që ka ngritur ndaj Frrokut, duke shtuar në urdhërin e ndalimit fakte dhe dyshime të tjera që nuk ekzistojnë, sipas avokatëve e bën këtë urdhër të paligjshëm.
Sipas tyre ky argument i përdorur nga kryeprokurori Llalla ka qënë emocional. Gazeta “Shqiptarja.com” ka njoftuar në 11 janar të 2014 se deputeti Frroku ndiqej penalisht për akuzën e vrasjes së shtetasit Aleksandër Kurti. Në atë kohë, kryeprokurori Adriatik Llalla nuk ka reaguar, por lajmi është kaluar qetësisht nga institucionet. Ndërkohë pas një viti e dy muaj, Llalla në urdhër-ndalimin për arrestimin e deputetit Mark Frroku ka nënvizuar ndër të tjera se Frroku, shfaqte rrezikshmëri për tu larguar nga vendi, pasi në Belgjikë ai ndiqej penalisht për një vrasje.
Urdhëri i ndalimit
“Unë, Adriatik Llalla, me detyrë Prokuror i Përgjithshëm, pasi studiova aktet e procedimit penal nr.1 të vitit 2015, konstatova se pas deklarimeve publike të deputetit Tom Doshi të bëra edhe përpara prokurorisë, janë kryer një sërë veprimesh hetimore,si pyetje e personave që kanë dijeni për rrethanat e hetimit, kryerja e ballafaqimeve mes tyre, këqyrja e tabulateve telefonike, pamjeve filmike, përgjime etj.
”Nga kryerja e këtyre veprimeve hetimore krijohen dyshime të bazuara në prova se ngjarja e pohuar nga shtetasi Tom Doshi publikisht, si dhe e deklaruar më pas edhe para organit procedues, ka qenë e sajuar prej tij, deputetit Mark Frroku dhe të dyshuarit tjetër Durim Bami, me qëllim fillimin e paligjshëm të ndjekjes penale ndaj Kryetarit të Kuvendit, Ilir Meta.
Duke iu referuar dëshmisë së deputetit Frroku dhe provave të mbledhura gjatë hetimit, Prokurori i Përgjithshëm thotë se deputeti Mark Frroku dyshohet se ka konsumuar elemente të veprave penale “kallëzimi i rremë”, “kanosja për deklarime a dëshmi, ekspertim ose përkthim të rremë” dhe “deklaratat e rreme përpara Prokurorit”.
Sipas Llallës në këto kushte, ndaj këtij shtetasi duhet urdhëruar ndalimi i menjëhershëm, pasi qenia e tij i lirë mund të vërë në rrezik marrjen ose vërtetësinë e provës, kjo për faktin e pozicionit që mban si deputet i Kuvendit të Shqipërisë, kapitaleve financiare që disponon, si dhe duke iu referuar veprimeve të kundraligjshme dhe shoqërisht të rrezikshme që ka kryer, rrezikshmëria shoqërore e tij mbetet e lartë”. Kjo lidhet edhe me faktin se Frroku akuzohet nga organet e drejtësisë belge për kryerjen e disa veprave penale,akuza për të cilat aktualisht është në proces gjykimi në këtë shtet”.
Ora me kamera Gjokutaj: Frroku i ka të mbyllura punët me drejtësinë e palës belge
Një nga avokatët e deputetit Mark Frroku thotë se nuk ka asnjë fakt që ai të ketë probleme me drejtësinë. I ftuar në studio në “A1 Report”, avokati Genc Gjokutaj tha se ky është një aludim i prokurorisë për t’i bërë presion Gjykatës.
“Më duhet të them që ky informacion i shkruar nga prokuroria për vendimin e ndalimit, nuk është ligjor, por është dhe jashtë etikës. Këto janë aludime, e ndërsa prokurori vepron me akt. Unë e konfirmoj sot, dhe të jap dhe të dokumentuar, se Mark Frroku nuk ka probleme me drejtësinë belge që i atribuhen në vendimin e prokurorisë. Nëse ka një vendim, ai merret, njihet dhe ekzekutohet. Aludimi për rrezikshmërinë e tij, janë instrumenta për të krijuar idenë dhe për të imponuar gjykatës se është njeri i rrezikshëm”,-deklaroi Gjokutaj.
Avokati tha se Frroku është marrë në pyetje në ambientet e Drejtorisë së Policisë së Tiranës dhe ai ka qëndruar të njëjtit version. Ndërkohë Gjokotaj pranoi se Frrokut i është sekuestruar dhe një orë me kamera të fshehtë.
Shkrimi u botua në Shqiptarja.com (print) në 28 Mars 2015
Redaksia Online
(d.a/shqiptarja.com)
Lajme të tjera
-
U arrestua për herë të dytë në Dubai, Durim Bami kërkon të mos deportohet në Shqipëri: Më rrezikohet jeta, 16 persona duan të më vrasin
29 Tetor, 13:15 -
Durim Bami arrestohet për herë të dytë në Dubai, pritet të deportohet drejt Shqipërisë! Konfliktet me ish-deputetin Ndoka dhe dosja 'Revanshi'
28 Tetor, 15:08 -
Durim Bami u arrestua sërish në Dubai? Ende s'ka konfirmim zyrtar
27 Tetor, 11:16 -
'S'kam përdorur Sky'! Zbardhet dëshmia e Marklen Hakës në seancë, mohon se mori pjesë në atentatin ndaj Durim Bamit! GJKKO e lë në arrest me burg
8 Shtator, 11:59 -
SKEDA/ Konfliktet hakmarrëse mes Marklen Hakës dhe Gentjan Bejtjas! Vrasja e hallës, atentatet në seri mes tyre dhe vrasjet
6 Shtator, 16:08 -
SKEDA/ Gentjan Bejtja, ‘mishi i huaj’ mes klanit të Ervis Martinajt dhe aleancave Dokle-Duka-Bami! Saga e hakmarrjes, viktimat e atentateve dhe precedentët
29 Gusht, 11:54 -
Arrestimi i Durim Bamit në Dubai, kryepolici Rrumbullaku: S'është liruar, i është lehtësuar masa! Burime për 'Report TV': Ndodhet në arrest shtëpie
14 Gusht, 12:28 -
Shqipëria kërkonte ekstradimin, Durim Bami lirohet 2 muaj pas arrestimit në Dubai! Rivalët ofruan 1 mln euro për ‘kokën’ e tij
13 Gusht, 23:10 -
Ekstradohet nga Belgjika Leonard Duka! SPAK e shpalli në kërkim për vrasjen e Santiago Malkos, ekzekutoi Erigers Mihasin dhe planifikoi eliminimin e Ervis Martinajt
2 Gusht, 13:38 -
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06 -
Arrestimet e policisë, eksperti Softa: Duhet shkuar tek grosistët e mëdhenj të drogës! Durim Bami i lidhur me politikën, shpresoj të dalë 'pendito'
12 Korrik, 19:31 -
'21 janari', Dumani: Do ta hetojmë, zbatojmë vendimin e Gjykatës së Lartë! Afera 'Partizani'? Kreu i SPAK: Berisha nën hetim pasuror (E PLOTË)
8 Korrik, 11:41
