Lleshaj i përgjigjet Ademit: E paaftë, lëri llafet, hiq lakrat nga rrugët, pazari në Shkodër si në Kandahar

Sandër Lleshaj ka reaguar duke iu përgjigjur kryebashkiakes Voltana Ademi e cila e sulmoi pas vizitës që ministri i Brendshëm zhvilloi sot në Shkodër për të parë nga afër situatën mbi zbatimin e masave kundër përhapjes së koronavirusit. "Kryebashkiakja e Shkodrës e lexoi jo pa vështirësi një deklaratë të panevojshme, për të shitur si politike, paaftësinë e saj për të bërë disa detyra bazike në shërbim të qytetarëve të saj. Shkodra sot nuk ka nevojë për politikë, por për pastërti dhe qytetari nga të gjithë. Pazaret skandaloze, që ngjajnë me ato të Kandaharit, nuk i bëjnë as nder dhe as dobi kryeqendrës sonë të Veriut. Eleminimi i tyre kërkon vetëm pak vullnet, por në radhë të parë sy për të parë.

Edhe pse pa mandat, kryetarja e harruar në zyrë duhet të justifikojë të paktën pagën që megjithatë merr. Situata në Shkodër është ulëritëse dhe qytetarët shkodranë janë frikshëm të ekspozuar ndaj rrezikut të epidemisë. Zonja Ademi të dalë dhe të heqë lakrat, barishtet e plehrat gjithfarë që kanë zënë rrugët e trotuaret. COVID-19 është sfida e përbashkët dhe rrugët e këtij armiku të padukshëm duhet të bllokohen edhe në Shkodër, ku dorëzimi i papranueshëm i pushtetit vendor duket alarmant! Ne duam bashkëpunim dhe bashkëveprim. Ju lutem zonja Ademi mos humbni kohë me llafazanërira politike, por bëni punën tuaj dhe na thoni si mund t'ju ndihmojmë më shumë!" shkruan ai. 

Lajmi kryesor:

'S'ka pasur angazhim'! Ademi-Ramës: E moshuara vdiq nga neglizhenca, shkodranët asnjë lek! Lleshaj: Je e paaftë, lëri llafet, pastro rrugët

TAG:
• edi rama
• voltana ademi
• koronavirusi ne shqiperi