Ministri i Brendshëm Sandër Lleshaj tha se qytetarët që kanë nevojë të ri-aplikojnë për pasaporta udhëtimi, tashmë nuk kanë nevojë të shpenzojnë kohë pranë policisë për të plotësuar formularë, por mund të paraqiten menjëherë pranë zyrave të aplikimit.
Sipas tij kjo është një risi që do të kursejë kohë e shpenzime për shtetasit shqiptarë që tashmë e kanë shumë më të thjesht procedurën e ripajisjes me dokumente biometrike.
Ministri Lleshaj u shpreh se Ministria e Brendshme ofron tashmë një gamë të gjerë shërbimesh online dhe se këtë angazhim do ta rrisë e thellojë edhe në të ardhmen. Ministri përmendi gjatë këtij prononcimi edhe faktin që shtetasit që kanë mbushur moshën 75 vjeç marrin karta identiteti pa afat skadence. Ndërkohë ai bëri thirrje për të gjithë shtetasit që u ka skaduar ose që do t’u skadojë karta e identitetit, gjatë këtij viti, të aplikojnë në kohë për t’u ripajisur me këtë dokument shumë të rëndësishëm përmes të cilit merret çdo shërbim tjetër pranë zyrave të administratës shtetërore.
Më tej ai tha se gjatë vitit 2020 janë shtuar shërbimet dixhitale për qytetarët.
Ai u ka bërë ftesë qytetarëve që të nxitojnë për të aplikuar pranë zyrave të aplikimit me qëllim që të pajisen me karta identiteti dhe me pasaporta
Fjala e plotë:
Viti 2020 ka qenë një vit i rëndësishëm sa i përket shtimit të gamës së shërbimeve për qytetarët, të cilat janë spostuar kryesisht në fushën e shërbimeve dixhitale. Dhe kjo ka lehtësuar jashtëzakonisht shumë barrën e qytetarëve, të cilët janë detyruar prej vitesh të harxhojnë orë të tëra pranë sporteleve ndërkohë që kjo kohë tani u mbetet në dispozicion atyre.
Në këtë kuadër Ministria e Brendshme ka ofruar një numër të madh shërbimesh online dhe sot jemi këtu për të prezantuar një tjetër risi, një tjetër lehtësim të barrës për qytetarët që ka të bëjë me aplikimin për pasaporta udhëtimi.
Në ndryshim nga praktika e deritanishme, tashmë për ri-aplikimin janë hequr detyrimet për t’u paraqitur pranë policisë, për të bërë aplikim dhe për të plotësuar formularë pranë Policisë së Shtetit.
Duke filluar nga nesër, qytetarët që duhet të ri-aplikojnë për pasaportë, u mjafton vetëm të paraqiten pranë sportelit përkatës të aplikimeve, pas përcaktimit të orarit të aplikimit që bëhet online.
Një risi tjetër, e cila ka kohë që ka ndodhur lidhet me faktin që për qytetarët që aplikojnë për karta identiteti dhe që janë mbi moshën 75 vjeç, ajo lëshohet pa afat vlefshmërie që do të thotë që kushdo që ka kaluar moshën 75 vjeç dhe aplikon për të marrë një kartë identiteti, ajo lëshohet pa afat skadence, që është po ashtu një lehtësi dhe shërbim i ri në favor të qytetarëve.
Duke shfrytëzuar këtë rast gjej mundësinë të bëj ftesë për qytetarët që të shpejtojnë për të aplikuar pranë zyrave përkatëse qoftë për letërnjoftime, qoftë për pasaporta.
Është fakt i ditur që pandemia e gjatë e këtij viti, të cilës i ka paraprirë edhe situata e tërmetit, ka detyruar qeverinë që të shtyjë afatin e vlefshmërisë për kartat apo pasaportat e skaduara. Por tashmë koha ka ardhur që qytetarët të nxitojnë për të aplikuar pranë zyrave të aplikimit me qëllim që të pajisen me karta identiteti dhe me pasaporta.
Kryesisht për kartat e identitetit e bëj thirrjen më të fortë për arsye se një numër i madh shërbimesh lidhen me kartat, me vlefshmërinë e tyre.
Lajme të tjera
-
Drafti i ri/ Do ndryshojnë rregullat! Hiqet leja e qëndrimit në Shqipëri për shtetasit e BE-së! Ja si do marrin pasaportën punëtorët dhe investitorët e huaj! Rregullat dhe kriteret (E PLOTË)
5 Shtator, 18:48 -
Kërkesat në rritje për pasaporta e ID biometrike, zyrat e IdentiTEK të hapura edhe gjatë të shtunave
18 Gusht, 22:42 -
Ligji i ri gjerman për shtetësinë, avokatja tregon risitë: Kushtet që duhen plotësuar dhe ndryshimet që sjell për fëmijët që lindin atje! Ç’duhet të dinë shqiptarët
9 Korrik, 09:01 -
Ndarja nga jeta e Kadaresë/ Yzeiri: Iku një pjesë europiane e jona! Rudolf Marku: Nuk është problem Nobeli! Shkrimtarët e mëdhenj nuk e kanë këtë çmim
1 Korrik, 21:28 -
Më 27 qershor hyn në fuqi ligji për shtetësinë dhe dyshtetësinë në Gjermani, ja kushtet që duhen plotësuar
27 Qershor, 08:48 -
Njohja e pasaportës së Kosovës, reagon Spanja: Nuk mund të bëjmë sikur nuk ekziston, por s’e njohim sovranitetin e saj
15 Janar, 14:13 -
Kullat shqiptare dhe UNESCO
9 Dhjetor 2023, 22:23
-
Sandër Lleshaj: Kampet e mos mikpritjes së refugjatëve
8 Nëntor 2023, 17:00
-
Sandër Lleshaj: Me Hamasin apo me Europën?
11 Tetor 2023, 09:00
-
Sandër Lleshaj: Kosova nuk është Krimea
24 Shtator 2023, 20:35
-
Ndryshon ligji për shtetësinë, pasaporta shqiptare për talentet e sportit që kanë lindur e jetojnë jashtë Shqipërisë
22 Shtator 2023, 11:55 -
Operacioni ‘Tempulli’, ish-ministri i Brendshëm në 'Kontrast': Si t’i presësh thonjtë krimit, të arrestuarit zëvendësohen brenda ditës
18 Shtator 2023, 19:14
