TIRANË- Emrat e rrugëve do t'u nënshtrohen një Vettingu, për të mos qenë më "bufatorikë", siç ministri i Brendshëm Sandër Lleshaj i quajti, apo të personave të dënuar. Kjo ka qenë një nga detyrat që ministri i brendshëm u ka caktuar kryebashkiakëve dhe prefektëve, me të cilët zhvilloi një takim për rreth 60 minuta.
Kanë qenë disa çështje që janë diskutuar nga Lleshaj, duke filluar që nga sinjalistika, të cilën e cilësoi si të turpshme që qytete e tjera, përveç Tiranës nuk njohin semaforin e deri tek zjarrfikëset. Duke u ndalur tek këta të fundit, Lleshaj tha do të ashpërsohen kriteret për rekrutimin e forcave zjarrfikëse, teksa premtoi dhe një kuadër ligjor që u ofron ata një trajtim sa më dinjitoz. Madje ai bëri një krahasim duke thënë se zjarrfikëse, për punën që kryejnë, duhet të jenë më të fortë se vetë RENEA.
Në fokus ka qenë pa dyshim rimëkëmbja pas tërmetit të 26 nëntorit. Lleshaj bëri me dije se çdo Bashki duhet të hartojë listat me dokumentin e riskut nga fatkeqësitë, që të mos përjetohet më ajo që vendi kaloi pas asaj lëkundje tragjike. Tre janë detyrat kryesore për kryebashkiakët. Së pari, të krijojnë bazën për humbjet nga fatkeqësitë; planifikimi i buxhetit për emergjencat civile dhe vlerësimi i riskut në nivel qarku si edhe bazën e të dhënave.
Problemet e brendshme të qyteteve kanë qenë pjesë e diskutimeve të ministrit të Brendshëm Sandër Lleshaj me kryebashkiakët dhe prefektët. Një nga problemet që është evidentuar Leshaj është mungesa e sinjalistikës rrugore, e aq më tepër mungesa e semaforëve në rrugë në të gjitha qytetet e tjera, me përjashtim Tiranën.
"Një çështje tjetër është siguria rrugore, e kemi shpallur 2020 si vitin e sigurisë rrugore. Kemi të dhëna të mjaftueshme për ta konsideruar prioritet, humbin jetën njerëz, plagosen qindra të tjerë, një faturë e jashtëzakonshme financiare. Aksidentet ndodhin kryesisht në rrugët brenda qytetit, apo në rrugët dytësore.
Është fakt që duhet të na bëjë të na vijë turp, përjashto Tiranën semafori është i panjohur në të gjitha bashkitë. Ka ardhur koha që bashkitë t’i japin një imazh të ri qyteteve", tha Lleshaj.
Ministri i Brendshëm, Sandër Lleshaj ka rikthyer në vëmendje emrat e rrugëve në qytetet e Shqipërisë, disa prej tyre "bufatorik" siç i ka quajtur ai, disa të tjerë që mbajnë emra të të dënuarve. Kjo situatë, tha Lleshaj, duhet të marrë fund sa më shpejt të jetë e mundur, si pjesë e identitetit.
"Njësitë e qeverisjes vendore janë përgjegjës për rrugët sheshet etj. Ligji parashikonte që duheshin emërtuar të gjitha parqet rrugët brenda 2016. Disa bashki nuk e kanë përmbushur. Detyrat u kanë kaluar prefektëve të cilët duhet të përmbyllin punën që bashkitë nuk e kanë bërë. Për t'u paraprirë çdo problemi, është urgjente që të mbyllet saktësimi i rrugëve shesheve. Nuk tolerohen bashki apo administrata që nuk bën as që të emërtojnë rrugët. Nëse nuk ka personalitet mund të ketë edhe alternativë për numra apo kombinim numrash apo gërmash. Ka edhe emra bombastik që ndonjë bashki ka bërë butaferik. Do të merrni adresën se ku janë. Janë disa që jetojnë në Tiranë dhe adresa e kanë diku tjetër. Duhet të bëhet integrimi i të dhënave. Do vijë një udhëzim për prefektët. Rrugët ose emra ose kombinim. Do të vlejnë. Mund të bëhet edhe vettingu i emrave që jo në pak raste ka persona që nuk duhet të jenë aty janë bërë emra rrugësh. Rruga ku banojmë është pjesë e identitetit tonë", tha Lleshaj.
Një tjetër çështje që ka qenë në fokus të konferencës së ministrit të Brendshëm Sandër Lleshaj me kryebashkiakët dhe nënprefektët ka qenë edhe forcat zjarrfikëse. Lleshaj u ka kërkuar kryebashkiakëve që standardet e rekrutimit për forcat zjarrfikëse duhet të jenë të një niveli më të lartë, teksa premtoi dhe një kuadër ligjor që u ofron ata një trajtim sa më dinjitoz. Madje ai bëri një krahasim duke thënë se zjarrfikëse, për punën që kryejnë, duhet të jenë më të fortë se vetë RENEA.
"Zjarrfikës në një nivel të ri, standardet e rekrutimi në një nivel më të lartë. Zjarrfikëset si rregull duhet të jenë më të aftë se RENEA-s. Kriteret t'i rishikojmë nga e para, të trajnuar dhe të trajtuar mirë. Dhe të kenë në dorë pajisjet e duhura", tha Lleshaj.
Ministri i Brendshëm, Sandër Lleshaj u ka ndarë detyrat kryebashkiakëve dhe prefektëve, ku në fokus ka qenë pa dyshim rimëkëmbja pas tërmetit të 26 nëntorit. Lleshaj bëri me dije se çdo Bashki duhet të hartojë listat me dokumentin e riskut nga fatkeqësitë, që të mos përjetohet më ajo që vendi kaloi pas asaj lëkundje tragjike. Tre janë detyrat kryesore për kryebashkiakët. Së pari, të krijojnë bazën për humbjet nga fatkeqësitë; planifikimi i buxhetit për emergjencat civile dhe vlerësimi i riskut në nivel qarku si edhe bazën e të dhënave.
"Lidhur me menaxhimin e emergjencave, jemi dëshmitarë që vendi është prekur shpesh. Vjet patëm fatin e keq të dy goditjeve, rindërtimi i vendit është shpallur prioriteti numër një. Qëllimi i emergjencave sot ka të bëjë me nxjerrjen e mësime. Do të ishte e pafalshme nëse nuk do nxirrnim mësime nga ngjarjet që na kanë ndodhur.
Ligji që është miratuar në 2019, vë detyra të rëndësishme për të gjitha bashkitë e vendit, të hartojnë listat me dokumentin e riskut nga fatkeqësitë. Është me rëndësi që të marr vëmendjen e dorës së parë. Nevoja për t’u konsoliduar në këtë fushë është e dorës së parë. Brenda dy viteve, Bashkitë duhet të krijojnë bazën për humbjet nga fatkeqësitë, që mos jemi në situata të krijimit nga e para të të dhënave kur kemi hall. Planifikimi i buxhetit për emergjencat civile, ligji i detyron që të caktojnë 4% të buxhetit për emergjencat. Po ashtu detyra ka edhe për prefektin e qarkut, ashtu si për bashkinë, të bëjmë vlerësimin e riskut në nivel qarku si edhe bazën e të dhënave", tha Lleshaj.
Komente
Lajme të tjera
-
Ndarja nga jeta e Kadaresë/ Yzeiri: Iku një pjesë europiane e jona! Rudolf Marku: Nuk është problem Nobeli! Shkrimtarët e mëdhenj nuk e kanë këtë çmim
1 Korrik, 21:28 -
Kullat shqiptare dhe UNESCO
9 Dhjetor 2023, 22:23
-
Sandër Lleshaj: Kampet e mos mikpritjes së refugjatëve
8 Nëntor 2023, 17:00
-
Sandër Lleshaj: Me Hamasin apo me Europën?
11 Tetor 2023, 09:00
-
Sandër Lleshaj: Kosova nuk është Krimea
24 Shtator 2023, 20:35
-
Operacioni ‘Tempulli’, ish-ministri i Brendshëm në 'Kontrast': Si t’i presësh thonjtë krimit, të arrestuarit zëvendësohen brenda ditës
18 Shtator 2023, 19:14 -
DOSJA/ Kazinoja në Tiranë, edhe emri i Rebani Jaupit te 'Metamorfoza'! Oltian Bistri ‘i raportonte’ Pëllumb Gjokës: Se di pse ka frikë Rebo, ai lekët do marri! Na qenka ankuar edhe Lleshaj
4 Gusht 2023, 19:20 -
‘Mallkimi’ i Ministrisë së Brendshme, Balla drejtuesi i 6 në 10 vite qeveri ‘Rama’! Bledi Çuçi, i vetmi i shkarkuar! Dorëheqjet e Tahirit, Xhafajt dhe Lleshaj dhe Demiraj i PD në mes
10 Korrik 2023, 10:59 -
Pendesa e fisme gjermane dhe krenaria e përzishme serbe
22 Qershor 2023, 11:42
-
Sandër Lleshaj: Gjeni një numër telefoni Albin Kurtit
31 Maj 2023, 16:53
-
Pezullohet rindërtimi i shtëpive individuale në Lezhë! Tërhiqet kompania, shkak rritja e kostos së ndërtimit
14 Janar 2023, 18:12
-
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
nderroni emrin e bulevardit kryesor te kryeqytetit qe mban emrin e nji legeni ...lamashi qe shiti Shqiperine ne 39 se na e shpifet.
PërgjigjuEDHE NE TIRANE NUK PRSIN TE DALE SEMAFORI JESHIL,,,,DISA RRINE E PRESIN SEMAFORIN NE RRUGE JO NE TROTUAR..
Përgjigju..ri-ndertoni Rajonin e Policise e ZjarrFikesen..ne rr.P.Budi,ne Qytet Studenti
PërgjigjuMjafto pasurin qe ka bo fredi mullaraj dhe luan zaze ne durres qe kane fundi i kavallit te ps ne durres.
Përgjigju